غزہ اور لبنان میں جنگ بندی مذاکرات میں پیش رفت ہوئی ہے، ماجد الانصاری

شیعہ نیوز: قطر نے کہا ہے کہ غزہ کی پٹی میں جنگ روکنے کے لیے جاری مذاکرات میں پیش رفت ہوئی ہے۔ دوسری جانب لبنان میں جنگ بندی کےلیے بھی بات چیت جاری ہے۔

قطری وزارت خارجہ کے ترجمان ماجد الانصاری نے ایک پریس کانفرنس سے خطاب میں کہا کہ لبنان میں ایک معاہدے کے حوالے سے کوششیں اور رابطے جاری ہیں۔ انہوں نے فوری جنگ بندی اور بے گھر افراد کی ان کے گھروں کو واپسی کے لیے قطر کی ریاست کی حمایت کا اظہار کرتے ہوئے کہا کہ غزہ کے بارے میں حالیہ مشاورت پیش رفت بات چیت کے دوران ہوئی ہے، لیکن انہوں نے زور دیا کہ "جو کچھ ہوا اس کے بارے میں میڈیا میں فی الحال بات کرنا ممکن نہیں ہے۔ بات چیت ابھی جاری ہے”۔

یہ بھی پڑھیں : غزہ: بیت لاہیہ کی ایک رہائشی عمارت پر اسرائیلی بمباری میں 19 شہری شہید

الانصاری نے باقاعدہ پریس بریفنگ کے دوران اس بات کی تصدیق کی کہ دوحہ اور قاہرہ میں رابطے اور ملاقاتیں جاری ہیں۔ امید ہے کہ ان مذاکرات کے نتیجے میں "بریک تھرو” ہو گا۔

انہوں نے مزید کہا کہ "غزہ میں کشیدگی کے آغاز کے بعد سے ہم کوشش کر رہے ہیں۔ علاقائی جنگ کو روکنے کے لیے ہماری کوششیں جاری ہیں۔

قطری وزارت خارجہ کے سرکاری ترجمان نے خطے میں کشیدگی کو کم کرنے کی ضرورت پر زور دیاکہ اور کہا کہ مسائل ایک دوسرے سے جڑے ہوئے ہیں۔

انہوں نے مزید کہا کہ "ہم قطری ثالثی میں مذاکرات کے راستے کا فیصلہ پریس بیانات سے نہیں کرتے، بلکہ مذاکراتی ہالوں کے اندر کرتے ہیں‘‘۔

ماجد الانصاری نے مزید کہا کہ "لبنان کے لیے قطر کی امداد جاری ہے اور یہ 167 ٹن تک پہنچ گئی ہے۔ ایک اور طیارہ اس مہینے کے آخر میں امدادی سامان لے کر لبنان پہنچے گا۔