ہم آزادی قدس تک آپ کے ساتھ رہیں گے حزب اللہ کے نئے سربراہ کے نام جنرل قا آنی کا پیغام
شیعہ نیوز: ایران کی سپاہ قدس کے کمانڈر جنرل قا آنی نے حزب اللہ کا سربراہ منتخب ہونے پر شیخ نعیم قاسم کے نام اپنے مبارکباد کے پیغام میں لکھا ہے کہ صیہونی حکومت کے جڑ سے ختم ہونے اور قدس شریف کی آزادی تک ہم حزب اللہ کے ساتھ رہیں گے۔
رپورٹ کے مطابق پاسداران انقلاب کی سپاہ قدس کے کمانڈر جنرل قا آنی نے حزب اللہ کے نئے سربراہ شیخ نعیم قاسم کے نام اپنے پیغام میں جو جمعرات کی شام جاری ہوا ہے، لکھا ہے کہ خدائے بزرگ و برتر کے شکر گزار ہیں کہ تاریخ کے اس مرحلے اور فیصلہ کن انتخاب میں جنابعالی نے جو مجاہد شخصیت اور درخشان ماضی کے مالک نیز سبھی شیعوں اور استقامتی محاذ کے سرافراز مجاہدین میں مقبولیت کے مالک ہیں، حزب اللہ کی سربراہی کی سنگین اور عظیم ذمہ داری سنبھالی ہے۔
یہ بھی پڑھیں : دشمن کے حملے کا جواب نہ دینے کا مطالبہ ہرگز قبول نہیں کرنا چاہئے، انصاراللہ
انھوں نے اپنے اس پیغام میں لکھا ہے کہ انشاء اللہ جنابعالی کی قیادت اور مدیریت میں شہیدوں کی جہادی اور نورانی راہ، زیادہ سرعت و شوکت کے ساتھ جاری رہے گی۔
جنرل قا آنی نے اپنے پیغام میں لکھا ہے کہ میں یقین دلاتا ہوں کہ سپاہ قدس میں آپ کے بھائی صیہونیت کے شجر خبیثہ کے جڑ سے اکھڑ جانے اور فلسطین نیز قدس شریف کی آزادی تک حزب اللہ اور آپ کے ساتھ رہیں گے۔
