سی ٹی ڈی پنجاب کا 12تکفیری وہابی دہشت گردوں سمیت زینبیون بریگیڈ کے1 عہدیدار کی گرفتاری کا دعویٰ
سی ٹی ڈی پنجاب نے دہشت گردوں سے دھماکہ خیز مواد، ڈیٹونیٹر، 7 حفاظتی فیوز وائر7 فٹ، گولیاں، اسلحہ، آئی ای ڈی بم، 2 موبائل فونز، ممنوعہ پمفلٹ، نقدی برآمد کی ہے۔
شیعہ نیوز : دہشت گردی کے خدشات کے پیش نظر سی ٹی ڈی نے پنجاب کے مختلف شہروں میں انٹیلی جنس بیسڈ آپریشن میں مبینہ 12 تکفیری وہابی ملک دشمن دہشت گرد گرفتار کرنے کا دعویٰ کیا ہے۔
آپریشن سرگودھا، بھکر، رحیم یار خان، فیصل آباد، شیخوپورہ، ننکانہ صاحب اور جھنگ میں کئے گئے۔ لاہور بھکر سے فتنہ الخوارج کے 2 جبکہ سرگودھا سے الزینبیون کا 1 عہدیدار اسلحہ اور باروی مواد سمیت گرفتار کرنے کا دعویٰ کیا گیا ہے۔
سی ٹی ڈی پنجاب نے دہشت گردوں سے دھماکہ خیز مواد، ڈیٹونیٹر، 7 حفاظتی فیوز وائر7 فٹ، گولیاں، اسلحہ، آئی ای ڈی بم، 2 موبائل فونز، ممنوعہ پمفلٹ، نقدی برآمد کی ہے۔
دہشتگردوں کی شناخت ندیم مرتضی، محمد جابر، آصف افتخار، شمس الدین، اعجاز حسین، حسن خان، شاہد سعید، فاروق احمد وغیرہ کے نام سے ہوئی ہے۔
دہشتگرد مختلف مقامات پر کارروائی کر کے عوام میں خوف و ہراس پھیلانا چاہتے تھے۔ رواں ہفتے میں 1318 کومبنگ آپریشنز کے دوران 173 مشتبہ افراد گرفتار کیے۔ لاہور میں کومبنگ آپریشنز کے دوران 40 ہزار 952 افراد سے پوچھ گچھ کی گئی۔
واضح رہے کہ پاکستان میں زینبیون بریگیڈ نامی کسی تنظیم یہ گروہ کا کوئی وجود موجود نہیں لیکن ہمارے ریاستی ادارے پتہ نہیں کن عناصر کی خوشنودی کی خاطر یہ ڈرامہ رچاتے ہیں اور بے گناہ شیعہ عزاداروں کو جبر وتشددکا نشانہ بناتے ہیں۔
یہ بات بھی ذہن نشین رہے کہ آج تک کسی شیعہ تنظیم ، گروہ یا فرد نے کسی ریاستی ادارے یا بے گناہ شہری پر کوئی دہشت گرد حملہ نہیں کیا ہے ۔
