محمد بن سلمان کی لبنان اور ایران پر اسرائیلی حملوں کی مذمت، جنگ بندی کا مطالبہ

شیعہ نیوز: سعودی ولی عہد محمد بن سلمان نے عرب اسلامی سربراہی اجلاس سے خطاب میں اسرائیلی جارحیت کو فلسطینیوں کی نسل کشی قرار دیتے ہوئے کرتے غزہ اور لبنان میں فوری جنگ بندی کا مطالبہ کیا ہے۔

الجزیرہ نے خبر دی ہے کہ ریاض میں منعقد ہونے والے اسلامی اور عرب تعاون تنظیم کے سربراہان کے غیر معمولی اجلاس میں مختلف ممالک کے سربراہان نے خطاب کیں اور صیہونیوں کے جرائم اور جارحیت کی مذمت کی۔

یہ بھی پڑھیں : یمن کی تل ابیب کے ساتھ جنگ کے پانچویں مرحلے میں منفرد کاروائی

ریاض میں اسلامی اور عرب تعاون تنظیم کے اجلاس کے آغاز میں سعودی عرب کے ولی عہد محمد بن سلمان نے تاکید کی کہ ہم UNRWA کی سرگرمیوں کو جاری رکھنے کی ضرورت پر زور دیتے ہیں اور دیگر بین الاقوامی تنظیموں کو بھی فلسطین کی حمایت جاری رکھنی چاہیے۔

انہوں نے مزید کہا کہ سعودی عرب لبنان کی سرزمین پر اسرائیل کے حملے کے خلاف ہے اور اس جارحیت کے سنگین نتائج برآمد ہوں گے۔

محمد بن سلمان نے اسرائیل کے ایرانی سرزمین پر حملوں کی بھی مذمت کی اور عالمی برادری سے مشرق وسطیٰ میں پائیدار امن کے لیے اسرائیل کو مزید جارحیت سے روکنے کا مطالبہ دہرایا۔