القسام بریگیڈز کا جبالیہ کیمپ میں قابض اسرائیلی فوج پر’مہلک گھات‘ حملہ
شیعہ نیوز: اسلامی تحریک مزاحمت ’حماس‘ کے عسکری ونگ القسام بریگیڈز نے شمالی غزہ کی پٹی میں جبالیہ کیمپ کے وسط میں دراندازی کے محور میں قابض اسرائیلی فوج کی گاڑیوں پر حملے کے مناظر نشر کئے ہیں۔
القسام مجاہدین نے شمالی غزہ کی پٹی میں جبالیہ کیمپ کے وسط میں براوی جنکشن کے قریب زمین میں نصب اسرائیلی فوجی کیریئر کو اڑانے میں بھی کامیاب رہے۔
حالیہ ایام میں جبالیہ کیمپ میں قابض اسرائیلی فوج کی جانب سے مزاحمتی فورسز کی جانب سے کیے جانے والے آپریشنز میں اضافہ ہوا ہے۔ قابض اسرائیلی فوج کی جانب سے شمالی غزہ کی پٹی میں فوجی آپریشن شروع کیے جانے کے ایک ماہ سے زائد عرصے کارروائی جاری ہے۔
یہ بھی پڑھیں : مجلس وحدت مسلمین کی جانب سے کتب خوانی مقابلے کا اعلان
غزہ کی پٹی میں القسام بریگیڈز 27 اکتوبر2023 کو اسرائیلی فوج نے زمینی آپریشن کے آغاز کے بعد سےمجاھدین نے ان کی گاڑیوں کے خلاف مختلف جنگی محوروں میں اپنی کارروائیاں جاری رکھے ہوئے ہیں۔ ویڈیو میں قابض اسرائیلی فوج کے خلاف کی جانے والی کارروائیوں کی بہت سی تفصیلات بھی موجود ہیں۔
اکتوبرسے شمالی غزہ کی پٹی اسرائیلی فوج کے محاصرے میں ہے۔قتل و غارت اور فاقہ کشی کے ذریعے نسلی تطہیر کا عمل جاری ہے۔
قابض اسرائیلی حکام شمالی غزہ کی پٹی پر قبضہ کرنے اور اس کے باشندوں کو بے گھر کرنے کے بعد اسے ایک بفر زون میں تبدیل کرنے کی کوشش کر رہے ہیں۔
