سکیورٹی فورسز نےشمالی وزیرستان کے علاقے میرانشاہ میں آپریشن میں 8 دہشتگرد ہلاک کردیئے

شیعہ نیوز: پاکستانی سکیورٹی فورسز نےشمالی وزیرستان کے علاقے میرانشاہ میں آپریشن میں 8 دہشتگرد ہلاک کردیئے ہیں۔ پاک فوج کے شعبہ تعلقات عامہ ( آئی ایس پی آر) کے مطابق سکیورٹی فورسز کی جانب سے آپریشن علاقے میں خوارج کی موجودگی کی خفیہ اطلاعات پر کیا گیا۔ آئی ایس پی آر نے بتایا کہ آپریشن میں 8 خوارج ہلاک اور 6 زخمی ہوئے۔

آئی ایس پی آر کا کہنا ہے کہ سکیورٹی فورسز کا علاقےمیں موجود دیگر ممکنہ خوارجیوں کے خاتمے کے لیے کلیئرنس آپریشن جاری ہے، سکیورٹی فورسز ملک سے دہشت گردی کی لعنت کے خاتمے کے لیے پُر عزم ہیں۔