صہیونیوں کی جنونیت، فرانسیسی فٹبال تماشائیوں پر حملہ
شیعہ نیوز: صہیونی جنونیوں نے فٹبال میچ کے دوران فرانسیسی تماشائیوں پر حملہ کردیا۔
الجزیرہ نے کہا ہے کہ فرانس میں ورلڈ کپ کوالیفائنگ راؤنڈ کے میچ کے دوران صہیونی جنونیوں نے فرانسیسی تماشائیوں پر حملہ کردیا ہے جس کے نتیجے میں فٹبال میچ ہنگامے کی نذر ہوگیا۔
ہالینڈ کے شہر ایمسٹرڈیم میں صیہونی انتہا پسند تماشائیوں کی بربریت اور مقامی لوگوں پر حملے کے بعد میچ سے قبل فرانس کی پولیس نے صیہونیوں کی حمایت میں میدان کے باہر کسی بھی قسم کے مظاہرے پر پابندی عائد کرنے کا اعلان کیا تھا۔
یہ بھی پڑھیں : اسرائیلی حکومت کے ساتھ جنگ حق اور باطل کے درمیان جنگ ہے، امام جمعہ تہران
اسٹیڈیم میں فلسطینی جھنڈوں کے داخلے پر بھی پابندی تھی۔ اس کے باوجود صہیونی تماشائیوں نے اسٹیڈیم میں موجود فرانسیسی تماشائیوں پر حملہ کیا اور انہیں زدوکوب کیا۔
میچ شروع ہونے سے پہلے فرانسیسی تماشائیوں نے غزہ میں فلسطینیوں کی نسل کشی پر شور مچایا اور صہیونی ترانے بجانے کے دوران جعلی حکومت پر جملے کسے۔
فرانسیسی پولیس نے کھیل کا نظم وضبط برقرار رکھنے اور کشیدگی کو بڑھنے سے روکنے کے لیے 4000 سیکیورٹی فورسز کی تعیناتی کا اعلان کیا۔
