محمد عفیف کی شہادت کا صہیونی حکومت سے بدلہ لیا جائے گا، حزب اللہ
شیعہ نیوز: حزب اللہ نے اپنے میڈیا سیل کے سربراہ محمد عفیف کی شہادت کی تصدیق کرتے ہوئے کہا ہے کہ صہیونی حکومت سے اس حملے کا بدلہ لیا جائے گا۔
المنار نے کہا ہے کہ لبنانی تنظیم حزب اللہ نے اپنے میڈیا سیل کے سربراہ محمد عفیف کی صہیونی حملے میں شہادت کی تصدیق کی ہے۔
یہ بھی پڑھیں : صیہونی حکومت عالمی اداروں میں رکنیت کی اہل نہیں ہے، بقائی
تنظیم نے اس حوالے سے ایک بیان جاری کرتے ہوئے کہا ہے کہ عظیم مجاہد محمد عفیف کی شہادت پر مقاومت کو تبریک پیش کی جاتی ہے۔
بیان میں کہا گیا ہے کہ شہید حاج محمد عفیف النابلسی گذشتہ روز صہیونی حکومت کے حملے میں شہید ہوگئے۔ انہوں نے پوری عمر عوام اور مقاومت کی خدمت کی اور شہادت کو گلے لگایا۔
حزب اللہ نے تاکید کی ہے کہ شہید محمد عفیف کی خدمات کو ہرگز فراموش نہیں کیا جائے گا اور صہیونی حکومت کو اس بزدلانہ حملے کی قیمت چکانا پڑے گی۔
