حماس اور حزب اللہ کے مجاہدین نے اسرائیل کی اینٹ سے اینٹ بجا دی 4 صیہونی فوجی ہلاک
شیعہ نیوز: غزہ اور بیروت میں مجاہدین نے گزشتہ 24 گھنٹوں کے دوران 5 صیہونی فوجی ہلاک و زخمی ہو گئے۔
عالمی خبر رساں ادارے کے مطابق غزہ کے شمالی علاقے میں حماس کے ساتھ دو مختلف مقامات پر جھڑپوں میں 3 اسرائیلی فوجی ہلاک اور ایک شدید زخمی ہوگیا۔
اسرائیلی فوج کا پہلا اہلکار بیت لاہیا میں حماس کے اسنائپر کی فائرنگ میں مارا گیا جب کہ دوسرے مقام پر ایک جھڑپ میں مزید 2 اسرائیلی فوجی ہلاک ہوگئے۔
یہ بھی پڑھیں : مقبوضہ تل ابیب میں ہزاروں آباد کاروں کا احتجاجی مظاہرہ، نیتن یاہو کے خلاف نعرے بازی
اسرائیلی فوج نے تصدیق کی ہے کہ حماس کے ساتھ جھڑپ میں مارے گئے فوجیوں میں پلاٹون کمانڈر کیپٹن ایڈن کینان، سارجنٹ یوگیو پازی اور اسٹاف سارجنٹ نوام ایتان شامل ہیں۔
اسرائیلی فوج کے ترجمان کا کہنا ہے کہ اس واقعے میں بٹالین کا ایک اور سپاہی شدید زخمی ہوا جس کی حالت خراب ہے۔
ادھر لبنان میں حزب اللہ کے ساتھ دوبدو جنگ میں ایک اسرائیلی فوجی مارا گیا ۔ اسرائیلی فوج نے تصدیق کی ہے کہ جنوبی لبنان میں لڑائی کے دوران گولانی بریگیڈ کا 21 سالہ اوری نسانووچ نامی ایک فوجی مارا گیا۔
لبنان کے جنوبی علاقوں میں ستمبر کے آخر سے جاری ملٹری آپریشن کے دوران حزب اللہ کے ساتھ دوبدو جنگ میں ہلاک ہونے والے اسرائیلی فوجیوں کی تعداد 44 ہوگئی۔ جبکہ حماس کے ساتھ برّی جنگ میں اب تک مارے گئے اسرائیلی فوجیوں کی تعداد 378 ہوگئی ۔ تاہم آزاد ذرائع کا کہنا ہے کہ ہلاک ہونے والے اسرائیلی فوجیوں کی تعداد اس سے کہیں زیادہ ہے جس کا اعلان اسرائیل نے کیا ہے۔
