لبنانی محاذ پر اسرائیل کو کیا کیا نقصانات ہوئے؟
شیعہ نیوز: اسرائیل کے عبرانی چینل 12 نے انکشاف کیا کہ حزب اللہ کے ساتھ جنگ کے نتیجے میں 79 فوجیوں سمیت 124 اسرائیلی مارے گئے، جب سے گذشتہ ستمبر میں جنگ میں شدت آئی۔
قابض اسرائیلی فوجی ریڈیو نے اطلاع دی ہے کہ حزب اللہ کے حملوں کے نتیجے میں اسرائیل میں 22,715 بار سائرن بجائے گئے جن میں میزائل حملوں کی وجہ سے 16,198 وارننگز اور ڈرونز کی وجہ سے 6,517 وارننگز شامل ہیں۔
یدیعوت احرونوت اخبار نے رپورٹ کیا کہ پراپرٹی ٹیکس کے اعداد وشمار سے پتہ چلتا ہے کہ شمالی اسرائیل میں حزب اللہ کی فائرنگ سے 9000 سے زائد عمارتیں اور 7000 گاڑیاں مکمل طور پر تباہ ہو گئیں۔ اسرائیلی حکومت نے اب تک 140 ملین شیکل (38.4 ملین ڈالر) ہرجانے کی ادائیگی کی ہے۔
یہ بھی پڑھیں : یواین مندوبین کا نیتن یاہو،گیلنٹ گرفتاری وارنٹ پر عمل درآمد کا مطالبہ
اسرائیلی چینل 13 کی طرف سے کرائے گئے ایک رائے عامہ کے سروے سے پتہ چلتا ہے کہ 61 فیصد اسرائیلیوں کا خیال ہے کہ ان کے ملک نے حزب اللہ کو شکست نہیں دی، جب کہ ان میں سے 66 فیصد نے قیدیوں کے تبادلے کے معاہدے تک پہنچنے کے لیے غزہ کی پٹی میں نسل کشی کی جنگ کے خاتمے کی حمایت کا اظہار کیا۔
حزب اللہ اور اسرائیل کے درمیان جنگ بندی کا معاہدہ بدھ کی صبح سے نافذ ہوا، جس سے 13 ماہ سے زائد سرحد پار سے جاری فوجی محاذ آرائی اور دونوں فریقوں کے درمیان دو ماہ کی کھلی جنگ اختتام کو پہنچی۔
