اسرائیلی فوجی غزہ سے ذلت و رسوائی کے ساتھ واپس جائیں گے، ابوعبیدہ

شیعہ نیوز: القسام بریگیڈ کے ترجمان ابوعبیدہ نے کہا ہے کہ گزشتہ 72 گھنٹوں کے دوران شمالی غزہ میں 10 سے زیادہ اسرائیلی فوجی ہلاک اور درجنوں زخمی ہوئے ہیں۔

حماس کی عسکری شاخ القسام بریگیڈ کے ترجمان ابوعبیدہ نے پیرکے روز اپنے ایک مختصر بیان میں شمالی غزہ کے علاقے میں غاصب اسرائیلی فوج کے خلاف شدید کارروائیوں کا ذکر کرتے ہوئے کہا کہ 100 دنوں سے زائد عرصے میں شمالی غزہ کی پٹی میں جاری نسل کشی اور بڑے پیمانے پر تباہی کے باوجود ہمارے مجاہدین غاصب صیہونی دشمن کو بھاری نقصان پہنچا رہے ہیں۔

یہ بھی پڑھیں : فتنہ الخوارج ٹی ٹی پی کی پنجاب میں نوجوانوں کی آن لائن بھرتی مہم کا انکشاف

ابوعبیدہ نے کہا کہ گزشتہ 72 گھنٹوں کے دوران شمالی غزہ میں 10 سے زیادہ اسرائیلی فوجی ہلاک اور درجنوں زخمی ہوئے ہیں اور شکست خوردہ اسرائیلی فوجیوں کی ہلاکتیں اس سے کہیں زیادہ ہیں جس کا اسرائیلی فوج اعلان کر رہی ہے۔

انہوں نے کہا کہ غاصب دشمن شمالی غزہ میں شکست کھا کر اور شرمندہ ہو کر واپس جائے گا اور استقامت سے اب بھی وہ خوفزدہ ہیں اور اس عرصے میں دشمن نے صرف اور صرف بے گناہ اور معصوم لوگوں کا قتل عام کیا اوران کے خلاف بڑے پیمانے پر جارحیت کی۔