میدان میں حاضر ہونا توکل کی عملی شرط ہے، آیت اللہ خامنہ ای
شیعہ نیوز: رہبر معظم انقلاب آیت اللہ خامنہ ای نے بین الاقوامی قرآنی مقابلے کے شرکاء سے ملاقات کے دوران میدان میں حاضر ہونے کو توکل کی عملی شرط قرار دیتے ہوئے کہا کہ امت اسلامیہ کے مسائل خدا پر توکل کے ذریعے حل کئے جاسکتے ہیں۔
رپورٹ کے مطابق ایران کے 41ویں بین الاقوامی قرآنی مقابلے میں شریک اساتذہ، حافظوں اور قاریوں نے آج صبح تہران کے حسینیہ امام خمینی (رح) میں رہبر معظم انقلاب سے ملاقات کی۔
آیت اللہ خامنہ ای کی جانب سے قرآنی مقابلوں کے منتظمین کی قدردانی اور شکریہ
رہبر معظم انقلاب کہ قرآنی اور پیغمبرانہ معجزات کا تسلسل کائنات کے لیے ایک عظیم نعمت ہے۔
غزہ خدا کے فضل سے صیہونی حکومت پر غالب آئے گا۔
خدا پر ذہنی توکل کی شرط یہ ہے کہ اس کے اذن سے ناممکنات کے ممکن ہوجانے پر یقین رکھیں۔
ایرانی قوم امریکہ کو مردہ باد کہنے کی جرات رکھتی ہے/ امریکہ جارح اور جھوٹا ہے۔
آج کا ایران 40 سال پہلے کا ایران نہیں ہے اور ہر میدان ترقی کر چکا ہے۔
میدان میں حاضر ہونا توکل کی عملی شرط ہے، امت اسلامیہ کے مسائل خدا پر توکل کے ذریعے حل ہو سکتے ہیں۔
رہبر معظم انقلاب اسلامی نے قرآن کو پیغمبر اکرم ص کا ابدی معجزہ قرار دیتے ہوئے تاکید کی کہ خدا پر سچے توکل کی شرط یہ ہے کہ انسان اس کے اذن سے ناممکنات کے ممکن ہوجانے پر یقین رکھے۔
یہ بھی پڑھیں : شہید حسن نصر اللہ اور شہید صفی الدین کی نمازہ جنازہ 23 فروری کو ادا کی جائے گی
انہوں نے امام حسین (ع) کے یوم ولادت کی مناسبت سے مبارکباد پیش کرتے ہوئے قرآنی اور پیغمبرانہ معجزات کے تسلسل کو انسان اور کائنات کے لیے ایک عظیم نعمت قرار دیا اور کہا کہ قرآن کی تلاوت کرتے وقت ہمیں اس حقیقت کی طرف توجہ کرنی چاہئے کہ ہم رسول خاتم ص کے معجزے کے مخاطب ہیں۔
آیت اللہ خامنہ ای نے قرآن میں موجود الفاظ، ترتیب، مفاہیم، سنن الٰہی کے بیان اور تمام چیزوں کو معجزہ قرار دیتے ہوئے کہا کہ اگر اس عظیم معجزے سے فائدہ اٹھایا جائے تو تمام انسانی مسائل حل ہو جائیں گے اور انسانی معاشروں کی زندگی منظم ہو جائے گی۔
انہوں نے اعلیٰ قرآنی تعلیمات تک اولیائے الہی، علماء اور بزرگوں کی رسائی کی طرف اشارہ کرتے ہوئے کہا: عام لوگوں کے لئے بھی قرآن کی وہی ظاہری تفسیریں اور ظاہری اسباق راہگشا ہیں۔”
خدا کے فضل سے غزہ صیہونی حکومت کو شکست دے گا۔
آیت اللہ خامنہ ای نے "توکل” کے قرآنی تصور کی وضاحت کرتے ہوئے فرمایا کہ قرآن کے مطابق جو شخص خدا پر بھروسہ کرتا ہے، خدا اس کے لئے کافی ہے؛ لہٰذا اگر توکل کی شرائط پوری ہو جائیں تو یہ خدائی وعدہ ضرور پورا ہو گا۔
انہوں نے خدا کے وعدوں پر بھروسہ اور یقین کو توکل کی شرط قرار دیتے ہوئے مزید کہا کہ انسان کو بغیر کسی شک کے یقین رکھنا چاہئے کہ خدا کے اذن سے ہر ناممکن کام ممکن ہوگا۔
رہبر معظم انقلاب اسلامی نے صیہونی حکومت اور امریکی حکومت کے خلاف غزہ کے عوام کی فتح کو ناممکنات کے ممکن ہونے کی ایک مثال قرار دیتے ہوئے کہا کہ اگر کہا جائے کہ غزہ کے چھوٹے سے علاقے کے عوام امریکہ جیسی ایک بڑی طاقت سے جنگ سے لڑیں گے اور اس پر فتح پائیں گے تو کوئی بھی اس بات پر یقین نہیں کرے گا لیکن خدا کے حکم سے یہ ناممکن کام عملا دنیا کی آنکھوں کے سامنے انجام پایا۔
ایرانی قوم امریکہ کو مردہ باد کہنے کی جرات رکھتی ہے/ امریکہ جارح اور جھوٹا ہے۔
انہوں نے نہ صرف ایرانی قوم بلکہ دنیا کی بہت سی قوموں کے ساتھ استکبار کے تصادم کا ذکر کرتے ہوئے کہا: ایرانی قوم اور دوسروں کے درمیان فرق یہ ہے کہ اس میں یہ کہنے کی جرأت پائی جاتی ہے کہ امریکہ جارح، جھوٹا، دھوکہ باز اور استعمار گر ہے اور کسی انسانی اصول کو خاطر میں نہیں لاتا۔
اس لیے وہ ’’امریکہ مردہ باد‘‘ کہتی ہے، لیکن دوسروں میں یہ ہمت نہیں ہوتی کہ وہ ان حقائق کا اظہار کریں اور امریکہ کے سامنے کھڑے ہو کر استکبار کے خلاف جنگ میں اپنا کردار ادا کریں، اس لیے وہ کسی نتیجے پر بھی نہیں پہنچ پاتے۔
آج کا ایران 40 سال پہلے کا ایران نہیں ہے اور ہر میدان ترقی کر چکا ہے۔
انہوں نے نتائج کے حصول کے لیے صبر اور محنت کی ضرورت پر تاکید کرتے ہوئے دنیا کے تمام مستکبروں کے مقابلے میں ایرانی قوم کے 46 سالہ صبر اور کوششوں کو اس ملک کی ہمہ گیر ترقی کا سبب قرار دیا۔
آیت اللہ خامنہ ای نے مزید کہا کہ اس محاذ آرائی میں ایرانی قوم نے نہ صرف نقصان نہیں اٹھایا بلکہ اس نے ہر میدان میں ترقی اور پیش رفت کی۔
انہوں نے ملک بھر میں قرآن مجید کی تلاوت اور حفظ کرنے والے ہزاروں نوجوانوں کی تربیت کو ملک کی روحانی ترقی کی مثال قرار دیتے ہوئے کہا کہ ملک نے مادی لحاظ سے بھی ترقی کی ہے اور نوجوانوں نے عظیم کارنامے انجام دئے ہیں اور یہ خدا پر بھروسہ کرتے ہوئے ملک کے عروج اور مطلوبہ مقام کے حصول تک جاری رہیں گے۔
