سکردو، معروف نوحہ خوان خواجہ علی کاظم اور دیگر کی نماز جنازہ، عوام کی بھرپور شرکت
شیعہ نیوز:سیہون کے نزدیک ٹریفک حادثے میں شہید ہونے والے معروف نوحہ خوان خواجہ علی کاظم اور دیگر کی نماز جنازہ میں ہزاروں لوگوں نے شرکت کی۔
رپورٹ کے مطابق، گزشتہ دنوں اندرون سندھ کے شہر سیہون کے نزدیک ایک ٹریفک حادثے میں معروف منقبت خواں خواجہ علی کاظم، نوحہ خواں سید جان علی شاہ سمیت پانچ افراد شہید ہوگئے تھے۔
خواجہ علی کاظم ایک نوجوان منقبت خوان اور نوحہ خوان تھے۔ وہ پاکستان کے معروف منقبت خوانوں میں شمار کیے جاتے تھے۔ انہوں نے نہ صرف پاکستان بلکہ بیرون ملک بھی متعدد مذہبی محافل میں شرکت کی تھی۔ حادثے میں جاں بحق ہونے والے سید جان علی شاہ رضوی کا تعلق بھی بلتستان سے تھا۔
یہ بھی پڑھیں : وقف ترمیمی بل آئین مخالف ہے ،ہم ہرگز قبول نہیں کریں گے، مولانا کلب جواد نقوی
خواجہ علی کاظم نے حال ہی میں شعبان کے مہینے میں ایران اور عراق کا سفر کیا تھا۔ دونوں سندھ میں ایک مجلس میں شرکت کے بعد کراچی واپس جا رہے تھے کہ راستے میں حادثے کا شکار ہوگئے اور خالقِ حقیقی سے جاملے۔
اس حادثے میں جاں بحق ہونے والوں میں زین علی ترابی بھی شامل تھے، جو شہید علامہ حسن ترابی کے فرزند اور ایک فعال انقلابی نوجوان تھے۔
اس حادثے میں جاں بحق ہونے والوں میں زین علی ترابی بھی شامل تھے، جو شہید علامہ حسن ترابی کے فرزند اور ایک فعال انقلابی نوجوان تھےا۔
نماز جنازہ میں ہزاروں افراد نے شرکت کی۔ شرکاء نے "لبیک یا حسین” کے نعروں کی گونج میں اپنے محبوب منقبت خوانوں کو الوداع کہا۔
