یمن کی مسلح افواج کا امریکہ کے ٹرومین جنگی بحری جہاز پر حملہ

شیعہ نیوز: یمن کی مسلح افواج نے امریکہ کے ٹرومین جنگی بحری جہاز پر اٹھارہ کروز اور بیلسٹک میزائلوں اور ڈرون سے حملہ کیا ہے۔

رپورٹ کے مطابق یمن کی مسلح افواج کے ترجمان یحیی سریع نے بتایا ہے کہ امریکہ نے یمن پر وسیع حملہ کیا ہے۔

انھوں نے بتایا ہے کہ امریکہ نے یمن کے دارالحکومت صنعا اور سات دیگر مختلف علاقوں پر 47 بار حملے کئے ہیں۔

یہ بھی پڑھیں : دیانتدار اور انقلابی جوانوں میں شاعری کا بڑھتا ہوا رجحان امید افزا ہے، آیت‌الله خامنه‌ای

یمن کی مسلح افواج کے ترجمان کے مطابق امریکہ نے یمن کے خلاف اپنی تازہ جارحیت میں دسیوں عام شہریوں کو شہید اور زخمی کردیا۔

اس رپورٹ کے مطابق یہ اعدادوشمار ابتدائی ہیں اور ممکن ہے ہے شہید اور زخمی ہونے والوں کی تعداد بڑھ جائے۔

یمن کی مسلح افواج نے اسی کے ساتھ امریکی جنگی بحری جہاز ٹرومین اور اس کے ہمراہ موجود چند دیگر جنگی بحری جہازوں کے خلاف خصوصی آپریشن کی خبربھی دی ہے۔

یمن کی مسلح افواج نے بتایا ہے کہ بحیرہ احمر کے شمال میں ٹرومین اور اس کے ہمراہ موجود امریکہ کے جنگی بحری جہازوں پر 18 بیلسٹک اور کروز میزائلوں نیز ڈرون طیاروں سے حملہ کیا گیا ہے۔