نیتن یاہو کو گرفتار کر کے عالمی عدالت انصاف کے حوالے کیا جائے، ایمنسٹی انٹرنیشنل

شیعہ نیوز: ایمنسٹی انٹرنیشنل نے کہا ہے کہ ہنگری کی طرف سے اسرائیلی حکومت کے وزیر اعظم بنجمن نیتن یاہو کو ملک کے دورے کی دعوت دینا بین الاقوامی قانون کی توہین ہے اور بوڈاپیسٹ اسے گرفتار کر کے بین الاقوامی فوجداری عدالت کے حوالے کرے۔

ایمنسٹی انٹرنیشنل نے مزید کہا کہ شہریوں کو جان بوجھ کر نشانہ بنانے اور انسانیت کے خلاف جرائم کے ارتکاب کے ساتھ ساتھ نیتن یاہو پر جنگی جرائم کے ارتکاب اور غزہ پٹی میں بھوک کو جنگی ہتھیار کے طور پر استعمال کرنے کا بھی الزام ہے۔

یہ بھی پڑھیں : جوہری توانائی ایجنسی کے سربراہ کی وزیر خارجہ سے ٹیلیفونک گفتگو، باہمی تعاون پر تبادلہ خیال

ایمنسٹی انٹرنیشنل نے خبردار کیا ہے کہ بینجمن نیتن یاہو کو گرفتار کیے بغیر بین الاقوامی فوجداری عدالت کے رکن ممالک کا کوئی بھی دورہ اسرائیلی حکومت کو جرائم جاری رکھنے کی ترغیب دے گا۔

اسرائیلی وزیر اعظم کے دفتر کے مطابق وزیر اعظم نیتن یاہو بدھ کو ہنگری کے 4 روزہ سرکاری دورے پر روانہ ہونے والے ہیں۔