ایران واضح اصولوں اور معیاروں کے مطابق مذاکرہ کرتا ہے، سعید خطیب زادہ

شیعہ نیوز: نائب وزیر خارجہ اور وزارت خارجہ کے سیاسی اور بین الاقوامی ریسرچ سینٹر کے سربراہ سعید خطیب زادہ نے انٹرویو دیتے ہوئے کہا ہے کہ امریکہ کے ساتھ مذاکرات، عدم اعتماد پر مبنی ہیں اور ہم باتوں پر نہیں عملی اقدامات پر نظر رکھتے ہیں۔

انہوں نے کہا کہ ایرانی مذاکرات کار عوام کے مسلمہ حقوق کو حاصل کرنے کے لیے فریق مقابل کی سنجیدگی اور ان کے ممکنہ اقدامات کی تصدیق کی کوشش کریں گے کیونکہ افسوس کے ساتھ گزشتہ 40 سال کے دوران امریکہ نے ایسی حرکتیں کی ہیں جس کے نتیجے میں ہمارے عدم اعتماد میں اضافہ ہوا ہے۔

یہ بھی پڑھیں : محمود عباس کے متنازعہ بیانات پر فلسطینی رہنماؤں میں شدید غصہ

نائب وزیر خارجہ خطیب زادہ نے کہا کہ ہم مذاکرات کے ذریعے اپنا موقف بیان اور ایک موضوع کے راہ حل کی تلاش کریں گے لیکن ضروری نہیں کہ اس راستے کے اختتام پر مفاہمت حاصل ہوکر رہے۔

سعید خطیب زادہ نے کہا کہ ایران نے ہمیشہ واضح اصولوں اور معیاروں کے مطابق مذاکرہ کیا ہے اور یہ سلسلہ آج بھی جاری رہے گا۔

انہوں نے کہا کہ یہ راستہ طے کیا جائے گا اور ابھی پرامید یا بدظن ہونے کا وقت نہیں آیا ہے۔

سینیئر سفارت کار سعید خطیب زادہ نے کہا کہ ہمارا ہدف پابندیوں کا خاتمہ ہے اور اس کے لیے ہم امریکیوں کے عملی اقدامات پر گہری نظر رکھے ہوئے ہیں۔