فلسطینی مجاہدین کا حملہ، نابلس کے جنوب میں دو اسرائیلی فوجی زخمی
شیعہ نیوز: مقبوضہ مغربی کنارے کے جنوبی علاقے نابلس میں فلسطینی مجاہدین اور قابض صیہونی افواج کے درمیان شدید جھڑپوں کے نتیجے میں دو اسرائیلی فوجی زخمی ہوئے ہیں۔
رپورٹ کے مطابق غرب اردن میں فلسطینی مجاہدین کے حملوں کی وجہ سے صیہونی فوجیوں کی بڑی تعداد کو نابلس کے جنوبی علاقے میں واقع بیتا نامی بستی میں تعینات کیا گیا ہے۔
یہ بھی پڑھیں : ترکی کی نیتن یاہو کے طیارے کو اپنی فضائی حدود استعمال کرنے کی اجازت
عینی شاہدین کے مطابق فلسطینی مجاہدین اور قابض اسرائیلی فوج کے درمیان شدید جھڑپیں ہوئیں۔ مجاہدین نے صہیونی فورسز کے راستے میں دھماکہ خیز مواد نصب کیے جس کے نتیجے میں دو صیہونی فوجی زخمی ہوگئے۔
فلسطینی ذرائع نے بتایا ہے کہ اسرائیلی فوجیوں نے فلسطینی بستی پر حملہ کیا اور زمینی کارروائی کے لیے نیچے اترے تو مزاحمت کاروں نے ان پر اچانک حملہ کردیا، اور ان کو دستی بموں سے نشانہ بنایا۔ حملے میں دو صہیونی فوجی زخمی ہوئے۔ زخمی فوجیوں کو منتقل کرنے کے لیے علاقے میں ایمبولینسیں روانہ کی گئی ہیں۔
