ہم جنگ نہیں امن چاہتے ہیں، صدرمملکت ڈاکٹر پزشکیان
شیعہ نیوز: صدر ڈاکٹر مسعود پزشکیان نے ٹرمپ کے بیان کا حوالہ دیتے ہوئے کہا ہے کہ وہ جنگ افروزی کررہے ہیں اور ہم جنگ نہیں امن چاہتے ہیں۔ ہم ملک کے اندر اور پڑوسیوں کے ساتھ امن وسکون چاہتے ہیں، آذربائیجان، روس، افغانستان، پاکستان، عراق اور سعودی عرب کے ساتھ برادری اور مساوات چاہتے ہیں
رپورٹ کے مطابق صدر ڈاکٹر مسعود پزشکیان نے آج جمعرات 15 مئی کو کرمانشاہ میں اقتصادی اور سرمایہ کاری کے میدان میں سرگرم لوگوں کے ساتھ ایک نشست میں کہا کہ ٹرمپ یہ خواب دیکھ رہے کہ ہماری مشکلات اور ناتوانائیوں کو ہمارے سامنے پیش کریں، لیکن ہم اپنے توانا عوام ، روزگار فراہم کرنے کے ماہرین اور علما ودانشوروں کے ساتھ مل کراپنی سبھی مشکلات پر قابو پالیں گے
یہ بھی پڑھیں : ایران اور امریکہ کے درمیان بالواسطہ مذاکرات کی حمایت کا اعلان، سعودی عرب
صدرایران نے کہا کہ ہم اقربا پروری اور جماعتی وابستگی کے حامی نہیں ہیں۔
انھوں نے کہا کہ جماعت اور پارٹی بری نہیں ہے؛ ہم بہت محکم اصول پسند ہیں اور پورے وجود سے اصلاحات پر یقین رکھتے ہیں لیکن کسی سے وابستہ نہیں ہیں۔
ڈاکٹر مسعود پزشکیان نے کہا کہ اگر ضروری عزم و ارادہ ہو تو اپنی توانائیوں پر بھروسہ کرکے ہرکام کرسکتے ہیں۔
انھوں نے کہا کہ ٹرمپ سمجھتے ہیں کہ وہ ہمیں دھمکی دے کر اور پابندیاں لگا کر ایسی حالت میں انسانی حقوق کا دم بھر سکتے ہیں کہ علاقے میں بدامنی اور جرائم کا سبب وہی ہیں۔
انھوں نے کہا کہ اگر ان کی حمایت نہ ہوتی تو کس میں ہمت تھی کہ غزہ میں اس طرح 60 ہزار بے گناہ انسانوں کا قتل عام کردے؟ کس میں جرائت تھی کہ اس علاقے کے عوام پر آب ودانہ اور دواؤں کا راستہ بند کردے؟
ڈاکٹر پزشکیان نے کہا کہ اس کے باوجود وہ انسانی حقوق کو دم بھرتے ہیں اور اگر ایران میں ہماری غلطی سے یا ان کی نظر میں کسی کے لئے کوئی مشکل ہو تو زمین آسمان ایک کردیتے ہیں کہ انسانی حقوق کو پامال کردیا۔
صدر ایران نے کہا کہ ہم اس کے مخالف ہیں کہ کسی بھی انسان کا حق پامال کیا جائے۔
انھوں نے کہا کہ ہم یہ نہیں کہتے کہ ہمارے اندر نقص نہیں ہے، لیکن تم ایسے انسان دشمن ہو کہ دنیا کی نگاہوں کے سامنے نسل کشی کرتے ہو اور پھر انسانی حقوق کا دم بھرتے ہو، امن و صلح کی بات کرتے ہو اور اس پر یہ بھی کہتے ہو کہ ہم نے بہترین بم اور اسلحے بنائے ہیں۔
صدرایران ڈاکٹر پزشکیان نے سوال کیا کہ یہ بم اور اسلحے کس لئے بنائے ہیں؟ تاکہ انسانوں کو مارو؟
انھوں نے کہا کہ تم ہمیں خطرہ بتا تے ہو اور خود کو سلامتی کہتے ہو؟ اور پھر علاقے میں اپنے اسلحے بھیجتے ہو اور جںگ بپا کرتے ہو کیونکہ اگر یہ کام نہ کرو تو تمھارے اسلحے نہیں بکیں گے۔
