ایرانی میزائلوں نے نیتن یاہو کو بنکر سے نکلنے پر مجبور کردیا

شیعہ نیوز: ایران کے مسلسل میزائل حملوں سے صیہونیوں میں تشویش کی لہر دوڑ گئی ہے اور نیتن یاہو اب مقبوضہ سرزمین سے بھاگنے کا پروگرام بنا رہے ہیں۔

غاصب اور جابر اسرائیلی وزیراعظم بن یامین نیتن یاہو تل ابیب کے جنوب میں ایرانی میزائل کے حملے سے ہونے والی تباہی کو قریب سے دیکھنے کے مقام پر پہنچے۔

یہ بھی پڑھیں : مختلف صیہونی علاقوں پر ایران کے 30 میزائل گرنے کا اعتراف

الجزیرہ نے عبرانی میڈیا کے حوالے سے رپورٹ دی ہے کہ بن یامین نیتن یاہو نے تل ابیب کے جنوب میں واقع بات یام میں ایرانی میزائل حملے کی جگہ کا دورہ کیا۔

بن یامین نیتن یاہو پر صیہونیوں کا بڑا دباو تھا کہ وہ بنکر سے نکل جائیں اس لئے کہ عالمی سطح پر اس کی بڑے پیمانے پر جگ ہنسائی ہو رہی ہے کہ وہ ایرانی حملوں کے خوف سے بنکر میں چھپ گئے ہیں ۔

اس سے قبل یہ اطلاع ملی تھی کہ نیتن یاہو ایرانی میزائل حملوں کی وجہ سے زیر زمین اپنی کابینہ کا اجلاس کر رہے ہیں ۔