ڈبلیو ایچ او کے سربراہ نے ایران پر صیہونی جارحیت پر خاموشی توڑ دی
شیعہ نیوز: صحت کی عالمی تنظیم ڈبلیو ایچ او کے سربراہ نے بالآخر سرزمین ایران پر صیہونی حملوں پر اپنی خاموشی توڑی اور اس جارحیت کو عام ایرانی شہریوں اور بچوں کی شہادت کا باعث قرار دیا۔
رپورٹ کے مطابق صحت کی عالمی تنظیم ڈبلیو ایچ او کے سربراہ ایڈھا نوم گبریس نے اپنے سماجی رابطے ایکس پیج پر ایک پوسٹ میں لکھا ہے کہ اسرائیل(صیہونی حکومت) اور ایران کے درمیان تشدد کی شدت تشویشناک ہے جس کے نتیجے میں غیر فوجیوں منجملہ بچوں کی جان جارہی ہے۔
یہ بھی پڑھیں : نیتن یاہو شکست کے خوف سے جنگ بندی کی بھیک مانگ رہے ہیں
انھوں نے لکھا ہے کہ ڈبلیو ایچ او کو سب سے زیادہ تشویش ایٹمی تنصیبات کو نشانہ بنائے جانے پر ہے کیونکہ اس سے ایرانی عوام کی صحت، ماحول حیات اور پورے علاقے پر دیر پا اثرات مرتب ہوں گے۔
انہوں نے کہا کہ ہم تمام فریقوں سے اپیل کرتے ہیں کہ امن کے قیام کے لیے کوشش کریں۔ سب سے بہادر وہی ہوتے ہیں جو امن کا راستہ اپناتے ہیں۔
