اسرائیل نواز چینل ایران انٹرنیشنل ہیک؛ خفیہ سرگرمیاں بے نقاب
شیعہ نیوز: ایرانی ہیکرز نے ایران انٹرنیشنل کو ہیک کرکے جعلی مواد پھیلانے والے 71 ہزار افراد اور اسرائیل نواز چینل کے جھوٹے دعوؤں کو بے نقاب کردیا۔
رپورٹ کے مطابق ایرانی ہیکرز نے اسرائیل کے مالی تعاون سے چلنے والے ایران مخالف چینل "ایران انٹرنیشنل” کے ٹیلیگرام چینل کو ہیک کر لیا ہے۔
ایرانی ذرائع ابلاغ کا کہنا ہے کہ اس نیٹ ورک سے منسلک 71 ہزار ایسے افراد کی نشاندہی کی گئی ہے جو ایران کے اندر سے جعلی ویڈیوز اور جھوٹی خبریں فراہم کرتے تھے۔ ان کے اسرائیلی حکومت اور مغربی انٹیلی جنس اداروں سے گہرے روابط ہیں۔
یہ بھی پڑھیں : اسرائیلی ایٹمی ری ایکٹر ڈیمونا کی فعالیت اچانک معطل؛ ایران کے میزائل حملوں کے اثرات
ایران انٹرنیشنل نے حالیہ صہیونی جارحیت کے دوران تل ابیب کی من گھڑت خبروں کو بڑھا چڑھا کر پیش کر کے ایران پر حملے کو جواز فراہم کرنے میں بنیادی کردار ادا کیا۔
یہ ایران مخالف نیٹ ورک پہلے سعودی عرب کے مالی تعاون سے چل رہا تھا۔ بعد ازاں، جب ایران اور سعودی عرب کے تعلقات بحال ہوئے تو اس چینل کی مالی سرپرستی صہیونی حکومت نے سنبھال لی۔ یہ نیٹ ورک لندن اور واشنگٹن دونوں میں سرگرم ہے۔
