ایک ماہ میں دو دفع پیٹرولیم مصنوعات میں اضافہ کرنا وفاقی حکومت کی بھتہ خوری ہے،علامہ سید باقر عباس
شیعہ نیوز:مجلس وحدت مسلمین سندھ کے صدر علامہ سید باقر عباس زیدی نے کہا ہے کہ حکومت کراچی کی خستہ حالی پر رحم کرے، رات و رات پیٹرول کی قیمتوں میں اضافہ کو مسترد کرتے ہیں، ایک ماہ میں دو دفع پیٹرولیم مصنوعات میں اضافہ کرنا وفاقی حکومت کی بھتہ خوری ہے، حکومت پیٹرول قیمتوں میں کمی کے ساتھ ایشائے خوردونوش کی قیمتوں میں بھی کمی کرے، ملک میں کوئی معاشی نظام و پالیسی نظر نہیں آتی عالمی منڈی میں تیل کی قیمتوں میں کمی ہورہی ہے اور ہماے ملک میں اضافہ نا اہل حکومت اپنا اضافی بوجھ عوام پر ڈال کر مزید عوامی مشکلات میں اضافہ کر رہی ہے، حکومتی مشینری بشمول عسکری قیادت غریب عوام کو ریلیف فراہم کرنے کے بجائے مزید پریشان کر رہے ہیں، ملکی عوام فاقوں سے مر جائے گی تو آپ کس عوام کا دفاع کریں گے، دفاعی بجٹ میں اضافے کو بھی واپس لیا جائے تاکہ اس کا بوجھ ملکی عوام سے ہٹ جائے۔
انہوں نے کہا کہ مافیاز کے خلاف آپریشن کئے بغیر عوامی سہولیات نہیں دی جاسکتی، پیڑول کی قیمتوں کے اضافے کے ساتھ پڑھنے والی ایشا کی قیمتیں مزید بڑھ جاتی ہیں جبکہ اس میں کمی پر وہی قیمتیں برقرار رہتی ہیں، حکومت ملکی عوام کو مہنگائی کے بحران سے چھٹکارا دلائے، بجلی گیس اور ایشائے ضروریہ کی قیمتوں میں بھی کمی کا اعلان کیا جائے۔ انہوں نے کہا کہ سندھ و شہری حکومت کراچی کی خستہ حالی پر رحم کریں، سارا ملبہ وفاقی بجٹ پر ڈال کر اپنی جان نہ چھڑائیں، شہری پانی بجلی گیس سمیت عدم تحفظ کا شکار ہیں، آئے روز ہزاروں لوگ کسی نہ کسی جرم کا شکار ہو رہے ہیں، شہری اپنے حقوق اور تحفظ سے محروم ہیں، ایسا لگتا ہے شہریوں کو منظم منصوبہ بندی کر کے مجرم بنایا جا رہا ہے۔ انہوں نے حکومت سے مطالبہ کیا کہ پیٹرول کی قیمتوں میں کمی اشیائے ضروریہ کی کمی بھی ایسی تناسب سے جائے، شہر میں موجود لینڈ، ٹراسپورٹ، پانی، کے الیکٹرک، گراں فروش و دیگر مافیاز کے خلاف کاروائی کی جائے۔
