میں کسی غیر ملکی سے حکم نہیں لیتا، برازیلی صدر کا ٹرمپ کو سخت جواب

شیعہ نیوز: امریکی صدر ڈونلڈ ٹرمپ کی جانب سے 50 فیصد ٹیرف عائد کرنے کے فیصلے پر برازیلی صدر نے سخت ردعمل ظاہر کرتے ہوئے بھتہ خوری قرار دیا ہے۔

رپورٹ کے مطابق برازیل کے صدر لوئیز ایناسیو لولا داسیلوا نے امریکی صدر ڈونلڈ ٹرمپ کی جانب سے برازیلی مصنوعات پر 50 فیصد درآمدی ٹیکس عائد کرنے کے اعلان پر شدید ردعمل ظاہر کرتے ہوئے کہا ہے کہ میں کسی غیر ملکی سے حکم نہیں لیتا۔

یہ بھی پڑھیں : غزہ: اسرائیلی جارحیت، شہدا اور لاپتہ افراد کی تعداد 67 ہزار سے تجاوز

برازیلی صدر لولا نے امریکی ٹیرف کو ناقابل قبول بھتہ خوری قرار دیتے ہوئے کہا کہ برازیل اپنی خودمختاری پر سمجھوتہ نہیں کرے گا اور وہ ایسے اقدامات کا مؤثر جواب دینے کے لیے تیار ہے۔

واضح رہے کہ ٹرمپ کی جانب سے اگست سے نافذ کیے جانے والے ان ٹیرف اقدامات کے بعد دونوں ممالک کے مابین تجارتی کشیدگی میں اضافہ ہوگیا ہے۔

چند روز قبل ہی صدر لولا نے ایک بیان میں ڈونلڈ ٹرمپ کو ایسا سامراجی کردار قرار دیا تھا جسے دنیا مزید برداشت نہیں کرنا چاہتی۔