ایران کے شہر زاہدان میں عدلیہ کے دفتر پر دہشت گردانہ حملہ

شیعہ نیوز: ایران کے جنوب مشرقی شہر زاہدان میں ہفتے کی صبح عدلیہ کے صوبائی ہیڈکوارٹر پر دہشت گردوں نے حملہ کر دیا، جس کے نتیجے میں 6 افراد شہید اور 22 دیگر زخمی ہونے کی اطلاعات ہیں۔ ایران کے سیکورٹی فورسز نے 3 دہشت گرد کو ہلاک کیا ہے۔

ایرانی عدلیہ کے اطلاعاتی مرکز کے مطابق، نامعلوم مسلح افراد نے صوبہ سیستان و بلوچستان کی عدلیہ پر فائرنگ کی جس کے بعد فوراً ریسکیو ٹیمیں جائے وقوعہ پر پہنچ گئیں۔

یہ بھی پڑھیں : ایران کے میزائل حملوں کے بعد امریکہ کے دفاعی نظام میں خلاء کا انکشاف

اطلاعات کے مطابق، حملے کے دوران شدید فائرنگ کا تبادلہ ہوا، جس کے نتیجے میں اب تک 6 افراد شہید اور 22 دیگر زخمی ہوئے ہیں۔

اس دہشت گردانہ کارروائی کی ذمہ داری کالعدم دہشت گرد تنظیم جیش العدل نے قبول کی ہے، جو ماضی میں بھی ایران کے جنوب مشرقی علاقوں میں متعدد حملوں میں ملوث رہی ہے۔

سیکیورٹی فورسز نے علاقے کو گھیرے میں لے کر تحقیقات کا آغاز کر دیا۔