کالعدم لشکر جھنگوی کے سربراہ ملک اسحاق کی درخواست ضمانت پر فیصلہ محفوظ

شیعہ نیوز (لاہور) لاہور ہائیکورٹ کے دو رکنی بنچ نے کالعدم دہشتگرد تنظیم لشکر جھنگوی کے سربراہ ملک اسحاق کی ضمانت کی درخواست کی سماعت کی۔ عدالت میں کالعدم تنظیم کے رہنماء ملک اسحاق کی جانب سے وکلاء نے موقف اختیار کیا کہ ان کے خلاف اشتعال انگیز تقاریر کرنے کے دو بے بنیاد مقدمات درج کیے گئے تھے۔ ان مقدمات میں پولیس ہی مدعی اور گواہ ہے۔ عدالت سے استدعا ہے کہ اس کی درخواست ضمانت منظور کی جائے۔ عدالت میں سرکاری وکیل نے موقف اختیار کیا کہ ملک اسحاق کے خلاف قانون کے مطابق مقدمات درج کیے گئے ہیں۔ سرکاری وکیل نے درخواست ضمانت خارج کرنے کی استدعا کی۔ عدالت نے دونوں فریقین کے وکلا کے دلائل سننے کے بعد فیصلہ محفوظ کر لیا۔