کراچی میں دہشتگردوں کی فائرنگ سے اہل تشیع پولیس افسر انور جعفری شہید

شیعہ نیوز (کراچی) شہر قائد کے علاقے کورنگی میں دہشتگردوں کی فائرنگ سے اہل تشیع سب انسپکٹر انور جعفری شہید جبکہ ساتھی اہلکار ڈرائیور زخمی ہوگئے۔ تفصیلات کے مطابق کراچی کے علاقے کورنگی ڈھائی نمبر میں دو موٹر سائیکلوں پر سوار 4 دہشتگردوں نے ایک گاڑی پر فائرنگ کر دی جس کے نتیجے میں اہل تشع سب انسپکٹر انور جعفری شہید جبکہ ساتھی اہلکار ڈرائیور زخمی ہوگئے۔ شہید پولیس افسر کی لاش اور زخمی ڈرائیور کو فوری طور پر اسپتال منتقل کیا گیا ہے۔ پولیس اس حوالے سے مزید تفتیش کر رہی ہے۔  پولیس کے مطابق سب انسپکٹر انور جعفری کرائم برانچ میں تعینات تھے اور سابق ایس ایچ او بھی رہ چکے تھے۔ انور جعفری لانڈھی، کورنگی اور عوامی کالونی کے تھانوں میں اسٹیشن ہاؤس آفیسر (ایس ایچ او) کے فرائض انجام دے چکے تھے۔