کوئٹہ سمیت بلو چستان بھر میں مختلف واقعات و حادثات میں پانچ افراد جاں بحق اور متعدد زخمی

شیعہ نیوز ( کوئٹہ) کوئٹہ سمیت بلو چستان بھر میں مختلف واقعات و حادثات میں ایک خاتون اور باپ بیٹے سمیت 5افراد جاں بحق وزخمی ہو گئے ۔پولیس کے مطابق کوئٹہ کے علاقے سٹیلائٹ ٹاؤن چالو باوڑی کے قریب نامعلوم افراد نے ایک گاڑی پر اندھادھند فائرنگ کردی جس کے نتیجے میں گاڑی میں سوار محمد آصف اور عبدالواسع موقع پر جاں بحق ہو گئے جبکہ ایک خاتون زرغونہ بی بی اور عبدالباری شدید زخمی ہو گئے جنہیں فوری طور پر سول ہسپتال منتقل کردیاگیا مقتولین باپ اور بیٹا بتایا جاتا ہے مزید تفتیش کی جارہی ہے جبکہ اوستہ محمد میں پولیس نے مبینہ مقابلے میں علی محمد بلیدی کو ہلا ک کردیا اور باغ کے علاقے چیوان چوک کے قریب ایک شخص گلاب مگسی نے سیاہ کاری کے الزام میں اپنی بیوی عظمیٰ اور مبینہ آشنا حبیب اللہ کو قتل کردیا پولیس نے بروقت کارروائی کر تے ہوئے ملزم گلاب خان کو گرفتار کرلیا مزید کارروائی جاری ہے