ناصر شیرازی کی سربراہی میں ایم ڈبلیو ایم کے وفد کا ضلع چنیوٹ کا دورہ

شیعہ نیوز: مجلس وحدتِ مسلمین پاکستان کے اعلیٰ سطحی وفد نے ضلع چنیوٹ کا دورہ کیا، ضلعی صدر ضلع چنیوٹ سید عاشق حسین بخاری کی خصوصی دعوت پر اور آنے والے الیکشن سے متعلق رہنمائی اور کمپین کے لئے مجلس وحدت پاکستان کے جنرل سیکرٹری سید ناصر عباس شیرازی اور صوبائی صدر مجلس وحدتِ مسلمین پنجاب علامہ سید علی اکبر کاظمی نے چنیوٹ کا دورہ کیا۔ ضلع چنیوٹ میں ضلعی کابینہ مجلس وحدت مسلمین ضلع چنیوٹ نے ایم ڈبلیو ایم کے وفد کا استقبال کیا۔ انتخابی کمپین کے سلسلے میں ضلع چنیوٹ کی سرکردہ سیاسی، سماجی اور مذہبی شخصیات کو ایک شادی ہال میں مدعو کیا گیا تھا۔ جہاں ان کے لئے ایم ڈبلیو ایم ضلع چنیوٹ کی جانب سے ظہرانے کا اہتمام کیا گیا تھا۔ ضلعی صدر سید عاشق حسین بخاری نے مجلس وحدت مسلمین پاکستان کے وفد کو خوش آمدید کہا اور ضلع چنیوٹ کی موجودہ سیاسی صورتحال سے آگاہ کیا۔