اسپین کے دارالحکومت میڈریڈ میں فلسطین کے ساتھ یکجہتی کی ریلی
شیعہ نیوز: اسپین کے دارالحکومت میڈریڈ میں غزہ میں صہیونی فورسز کی جارحیت کے خلاف اور فلسطینی عوام کے حق میں بڑی ریلی نکالی گئی۔
فلسطینی ذرائع ابلاغ نے کہا ہے کہ اسپین کے دارالحکومت میڈریڈ میں فلسطین کے حق میں بڑا مظاہرہ کیا گیا ہے۔
یہ بھی پڑھیں : طوفان الاقصی میں شکست کی تحقیقات کی جائیں گی، ہرٹزی ہالیوی
تفصیلات کے مطابق دارالحکومت کی سڑکوں پر عالمی یوم خواتین کی مناسبت سے عوام کی بڑی تعداد نے غزہ میں صہیونی مظالم کا شکار ہونے والی فلسطینی خواتین کے ساتھ اظہار یکجہتی کے لئے ریلیاں نکالیں۔
ریلی کے شرکاء فلسطینیوں کی نسل کشی پر صہیونی حکومت کے خلاف نعرے بازی کررہے تھے اور عالمی برادری سے غزہ میں جنگ بندی کے لئے اقدامات کا مطالبہ کررہے تھے۔
گذشتہ عالمی یوم خواتین کی مناسبت سے غزہ میں اسرائیلی جارحیت کے خلاف دنیا بھر میں مظاہرے ہوئے۔ شرکاء نے عالمی قوانین اور انسانی حقوق کی خلاف ورزی پر اسرائیل کی شدید مذمت کی اور غزہ میں فوری طور پر جنگ بندی کا مطالبہ کیا۔
