عاشق اہلبت ع مذہبی اسکالر انجینئر محمد علی مرزا قاتلانہ اور دہشت گردانہ حملے ميں زخمی

شیعہ نیوز: جہلم میں مذہبی اسکالر انجینئر محمد علی مرزا قاتلانہ اور دہشت گردانہ حملے میں زخمی ہوگئے ہیں۔ پولیس نے مقدمہ درج کرکے دو ملزمان کو گرفتار کرلیا ہے۔

گزشتہ روز جہلم میں ہفتہ وار لیکچر کے دوران حملہ آور نے انجینئر محمد علی مرزا پر چاقو سے وار کیا، جس سے محمد علی مرزا کے بازو پر معمولی زخم آیا۔ پولیس کے مطابق حملہ آور کی شناخت لاہور کے رہائشی شہزاد علی کے نام سے ہوئی ہے۔ تھانہ سٹی میں مقدمہ درج کرکے دو ملزمان کو گرفتار کر لیا گیا ہے۔ ذرائع کے مطابق مذہبی اسکالر انجینئر محمد علی مرزا تاریخ حقائق بے باک انداز میں بیان کرنے میں شہرت رکھتے ہیں۔