عباس ٹاؤن سبیل حملہ کیس میں اہم پیشرفت، گرفتار مومنین رہاہوگئے
شیعہ نیوز (پاکستانی شیعہ خبر رساں ادارہ) کراچی میں ابوالحسن اصفہانی روڈ پر سبیل امام حسین ؑ پر حملے کےکیس میں بلاجواز گرفتار عزاداروں کےحوالے سے اہم پیش رفت سامنے آگئی ہے ۔ سبیل حملہ کیس میں گرفتار تین عزادروں کوانسداد دہشت گردی عدالت نے ضمانت پر رہا کرنے کا حکم نامہ جاری کردیا ہے ۔
تفصیلات کےمطابق عباس ٹاؤن کے نزدیک قائم سبیل امام حسین ؑ پر 9 محرم کی صبح مقامی وہابی مسجد کے پیش امام اور کالعدم سپاہ صحابہ کےدہشت گردوں نے حملہ کرکے عزاداروں کو شدید زخمی کیا تھا جبکہ اپنے ہی ساتھی کو گولی مار کر ہلاک بھی کردیا تھا۔
یہ خبر بھی پڑھیں تفتان بارڈر سے لاپتہ ہونے والےعلامہ مظہر کاظمی بازیاب، بحفاظت گھر پہنچ گئے
وقوعہ کے بعد پولیس نے موقع پر پہنچ کر حالات کو قابوکرنے کی کوشش کی بعد ازاں دوطرفہ مقدمات کے اندراج کے بعد پولیس نے ایک درجن سے زائد عزاداران حسینی کو گلستان جوہر اور اسکیم 33 کے مختلف علاقوں سے گرفتار کیا ، کچھ کوفوری اور کچھ کو ضمانت پر رہا کردیا گیا تھا لیکن 3 عزاداران حسین ؑ مرزا رفعت حسین ، طاہر عباس اور ہاشم عباس کو جیل منتقل کردیا تھا۔
آج ان تینوں شیعہ اسیرعزاداروں کو انسداد دہشت گردی نمبر 20 پیشی پر لایا گیا جہاں وکیل سراج منگی ایڈوکیٹ نے کیس کی کامیاب پیروی کرتے ہوئے تینوں اسیروں کی ضمانت منظور کروالی ہے ، تینوں اسیرعزاداروں کو سینٹرل جیل کراچی سے رہا کردیا گیا جہاں مرکزی تنظیم عزاداری کے صدر ایس ایم نقی نے اپنے ساتھیوں کے ساتھ ان کا استقبال کیا۔
