افغانستان میں داعش کے خطرات میں اضافہ ہوا ہے، اقوام متحدہ کا انتباہ

اقوام متحدہ کے سیکریٹری جنرل نے کہا ہے کہ کورونا کے پھیلاؤ کی وجہ سے افغانستان میں داعش کے خطرات میں اضافہ ہوا ہے۔

اقوام متحدہ کے سیکریٹری جنرل نے اپنی ایک رپورٹ میں بتایا ہے کہ مشرقی افغانستان کے صوبوں ننگر ہار اور کنڑ میں دہشت گرد گروہ داعش کے عناصر بدستور موجود ہیں اور عام شہریوں اور سیکورٹی اہلکاروں پر حملے کر رہے ہیں۔

اقوام متحدہ کے سیکریٹری جنرل کی رپورٹ میں کہا گیا ہے کہ تکفیری دہشت گرد گروہ داعش افغانستان کے امن عمل میں بھی رکاوٹ ہے اور کابل سمیت افغانستان کے دوسرے بڑے شہروں پر بھی اس گروہ کے حملوں کا امکان پایا جاتا ہے۔ ادھرصوبہ ننگر ہار کے گورنر ہاوس نے کہا ہے کہ دہشت گرد گروہ داعش کے چار عناصر کو گرفتار کیا گیا ہے۔