طوفان الاقصی، مقاومتی تنظیموں کے مقابلے میں ہم شکست کھا چکے ہیں، صہیونی فوجی ترجمان

شیعہ نیوز: اسرائیلی فوجی ترجمان نے طوفان الاقصی میں مقاومتی تنظیموں کے مقابلے میں شکست کا اعتراف کرلیا ہے۔

مہر خبررساں ایجنسی نے الجزیرہ کے حوالے سے کہا ہے کہ صہیونی فوجی ترجمان نے کہا ہے کہ اسرائیلی فوج کو طوفان الاقصی میں فلسطینی مقاومتی تنظیموں کے سامنے شکست ہوچکی ہے۔

انہوں نے کہا کہ ہم سات اکتوبر کو ہونے والے مقاومتی حملے کے حوالے سے تحقیقات کررہے ہیں تاکہ اصل حقائق اور وجوہات سامنے آسکیں۔

یہ بھی پڑھیں : رہبر معظم کی قیادت میں ترقی کا سفر جاری رہے گا، ناصر کنعانی

انہوں نے کہا کہ ہمیں کوشش کرنا ہوگی کہ مستقبل میں اس طرح کے واقعات تکرار نہ ہوں۔

دوسری جانب صہیونی ذرائع نے شمالی سرحدوں پر حالات کو تشویشناک قرار دیتے ہوئے کہا ہے کہ سرحدی علاقوں میں فوجی ٹھکانوں اور تنصیبات پر حزب اللہ کے حملوں میں مسلسل اضافہ ہورہا ہے۔

اسرائیلی میڈیا کے مطابق کل صبح سے رات تک لبنانی تنظیم نے صہیونی قصبوں پر 100 سے زائد میزائل حملے کئے ہیں۔ کریات شمونہ میں حزب اللہ کے حملوں کے بعد آتش سوزی کی خبریں ہیں۔