علامہ احمد اقبال رضوی کی زین ترابی شہید کے اہل خانہ سے تعزیت

شیعہ نیوز: مجلس وحدت مسلمین پاکستان کے وائس چیئرمین علامہ سید احمد اقبال رضوی نے صوبہ سندھ اور کراچی ڈویژن کے وفد کے ہمراہ شہید علامہ حسن ترابی کی رہائش گاہ پر حاضری دی اور گزشتہ دنوں روڈ حادثے میں شہید ہونے والے زین ترابی کے اہل خانہ سے تعزیت کی۔

اس موقع پر انہوں نے شہید زین ترابی کے درجات کی بلندی کے لیے فاتحہ خوانی کی اور شہید علامہ حسن ترابی کے فرزندان سے اظہارِ افسوس کیا۔

یہ بھی پڑھیں: دیامر کے عوام کہیں تو ہم سکردو میں دھرنا دینے کو تیار ہیں، سید علی رضوی

اس تعزیتی ملاقات میں مجلس وحدت مسلمین پاکستان کے مرکزی رہنما علامہ سید حسن ظفر نقوی، ڈویژنل صدر کراچی علامہ صادق جعفری، علامہ مبشر حسن، علامہ حیات عباس نجفی اور دیگر رہنما بھی شریک تھے۔

مجلس وحدت مسلمین پاکستان کے رہنماؤں نے شہید زین ترابی کی ناگہانی شہادت کو ملتِ تشیع کے لیے ایک بڑا نقصان قرار دیا اور کہا کہ شہداء کا مشن ہمیشہ زندہ رہے گا۔