علامہ مقصود ڈومکی کی ایم پی اے شیر محمد مغیری سے ملاقات

شیعہ نیوز: مجلس وحدت مسلمین پاکستان کے مرکزی رہنماء علامہ مقصود علی ڈومکی نے جیکب آباد سے رکن صوبائی اسمبلی حاجی شیر محمد مغیری سے ملاقات کی اور انہیں عید الفطر کے موقع پر مبارکباد پیش کی۔ ملاقات میں مختلف امور پر تبادلہ خیال کیا گیا۔ اس موقع پر گفتگو کرتے ہوئے علامہ مقصود علی ڈومکی نے کہا کہ جیکب آباد ضلع میں امن و امان کی صورتحال ٹھیک نہیں ہے، عید کے دوسرے روز دن دہاڑے ڈپٹی کمشنر آفس کے سامنے ایک ہندو تاجر کی دکان کو لوٹا گیا جو کہ افسوسناک واقعہ ہے، لوگ غیر محفوظ ہیں۔ سندھ حکومت اور ضلعی انتظامیہ امن و امان کی صورتحال بہتر کرنے پر توجہ دے۔

یہ بھی پڑھیں: تحریک تحفظ آئین پاکستان ملک بچانے کی آخری امید ہے، سینیٹر علامہ ناصر عباس جعفری

انہوں نے کہا کہ ایم پی اے حاجی شیر محمد مغیری کی جانب سے بجلی کے مسائل اور عوامی مشکلات کے حل کے لئے اقدامات قابل تعریف ہیں۔ جیکب آباد ایشیاء کا گرم ترین شہر ہے، اس وجہ سے یہاں بجلی کی لوڈ شیڈنگ کم ہونی چاہئے۔ اس موقع پر گفتگو کرتے ہوئے حاجی شیر محمد مغیری نے کہا کہ ہم عوام کی خدمت پر یقین رکھتے ہیں اور عوامی مسائل حل کرنا ہماری ترجیحات میں شامل ہے۔ ملاقات میں مجلس وحدت مسلمین شعبہ عزاداری کے صوبائی نائب صدر سید غلام شبیر نقوی، مجلس علمائے مکتب اہل بیت کے ضلعی صدر علامہ سیف علی ڈومکی، سید گلزار علی شاہ و دیگر موجود تھے۔