پی آئی سی واقعے کے ذمہ داروں کیخلاف قانونی کاروائی ہونی چاہیئے

شیعہ نیوز (پاکستانی شیعہ خبر رساں ادارہ) سربراہ مجلس وحدت مسلمین علامہ راجہ ناصر عباس جعفری نے لاہور کے امراض قلب کے ہسپتال پی آئی سی میں وکلاء کی جانب سے تشدد کی مذمت کی ہے۔

علامہ راجہ ناصرعباس نےوکلاء کی جانب سے پر تشدد کاروائی کی مذمت کرتے ہوئے کہا کہ پی آئی سی لاہور میں ہونےوالی ہنگامہ آرائی افسوسناک ہے،مہذب معاشرے کے شہری قانون کبھی اپنے ہاتھ میں نہیں لیتے۔

انہوں نے کہا کہ وکلا معاشرے کا پڑھا لکھا طبقہ ہے، انہیں قانونی تقاضوں کی پاسداری کرنا چاہیے، کسی بھی قسم کا احتجاج قانونی و آئینی حدود کے اندر رہ کر ہونا چاہیئے۔

انہوں نے مطالبہ کیا کہ پی آئی سی واقعہ کے ذمہ داروں کے خلاف قانونی کارروائی ہونی چاہیئے۔