ہمیں جناب سیدہ سلام اللہ علیہا کی سیرت کی روشنی میں اپنی خواتین کی تربیت کرنی ہے،علامہ شبیر میثمی
علامہ ڈاکٹر شبیر حسن میثمی نے کہا: ایک ایسی خاتون جس کا شوہر اللہ کا ولی اور مومنوں کا امیر ہو اور ہر میدان کا مرد میدان ہو، اس خاتون کا کیا مقام ہو گا۔
شیعہ نیوز : جنرل سیکریٹری شیعہ علماء کونسل پاکستان علامہ ڈاکٹر شبیر حسن میثمی نے ایام فاطمیہ(س) کی مناسبت سے کراچی ملیر B ایریا میں منعقدہ مجلس عزا سے خطاب کرتے ہوئے کہا: ہمیں جناب سیدہ (س) کی سیرت کی روشنی میں اپنی خواتین کی تربیت کرنی ہے۔
انہوں نے کہا: بی بی مظلومہ سلام اللہ علیہا کے ہاتھوں سے ہی تو سَیِّدَا شَبَابِ أَهْلِ الْجَنَّة کی تربیت ممکن ہوئی اور جس کے والد خدا کے پیغمبر اور آخری نبی ہوں کہ جس نے سیدہ سلام اللہ علیہا کی شان میں فرمایا کہ "فاطمہ (س) اپنے والد کی بھی ماں ہے”۔
یہ بھی پڑھیں: سابق وزیر اعظم آزاد جموں کشمیر سردار عتیق احمد خان کی آیت اللہ العظمیٰ حافظ بشیر حسین نجفی سے ملاقات
علامہ ڈاکٹر شبیر حسن میثمی نے کہا: ایک ایسی خاتون جس کا شوہر اللہ کا ولی اور مومنوں کا امیر ہو اور ہر میدان کا مرد میدان ہو، اس خاتون کا کیا مقام ہو گا۔
قابل ذکر ہے کہ مجلس عزا میں مومنین کرام اور معززین علاقہ نے بھرپور شرکت کی، بعد ازاں مجاہدین اسلام کی کامیابی اور دشمنان اسلام کی ناکامی کی اجتماعی دعا بھی کی گئی۔
