امریکہ اور مغربی ممالک نے اسلامی ثقافت کے خلاف جنگ چھیڑ رکھی ہے

شیعہ نیوز (پاکستانی شیعہ خبر رساں ادارہ) بحرین کے اسلامی انقلاب کے سربراہ آیت اللہ شیخ عیسی قاسم نے خواتین کے حوزہ ہائے علمیہ کی مدیر سے ملاقات میں اسلامی ثقافت کو انسانیت کے لئے راہ نجات قراردیتے ہوئے کہا ہے کہ ماضی میں سویت یونین اور آج امریکہ باطل نظریہ کی حمایت اور اس کوفروغ دینے میں سرگرم ہے۔

انھوں نے کہا کہ اسلامی ثقافت کا سنجیدگی کے ساتھ دفاع اور فروغ در حقیقت امریکہ پر کامیابی کا واحد راستہ ہے۔

آیت اللہ شیخ عیسی قاسم نے خواتین کی تربیت اور تعلیم کو معاشرے کی سعادت اور سلامت کے لئے اہم قراردیتے ہوئے کہا کہ اچھے افراد اچھی ماؤں کی آغوش میں تربیت پاکر سماج اور معاشرے کی خدمت کرتے ہیں۔

انھوں نے کہا کہ امریکہ اور مغربی ممالک نے آج بحرین، ایران ، شام اور دیگر ممالک میں اسلامی ثقافتی کے خلاف خطرناک جنگ چھیڑ رکھی ہے جس کا مقابلہ بہت ضروری ہے۔

انھوں نے کہا کہ حق اور باطل کے درمیان جنگ جاری ہے اور اس جنگ میں فتح حاصل کرنا ہماری ذمہ داری ہے۔