دنیاہفتہ کی اہم خبریں

امریکہ دنیا بھرمیں بے گناہ انسانوں کے قتل عام کا ذمہ دارہے: چين

شیعہ نیوز: چین کا کہناہے کہ مختلف ممالک میں امریکی فوج کی کارروائیوں سے انسانی المیوں نے جنم لیا ہے، امریکہ کئی ممالک کی جغرافیائی حدود میں زبردستی کارروائیاں کرتا ہے۔

غیر ملکی میڈیا رپورٹس کے مطابق چائنا سوسائٹی فار ہیومن رائٹس اسٹڈیز کی جاری کردہ رپورٹ میں کہا گیا ہے کہ امریکہ نے کئی ممالک کو غیر ملکی جنگوں کا مرکز بنا دیا ہے، جس سے ان ممالک کی خارجہ پالیسی پر منفی اثرات مرتب ہوئے ہیں۔

رپورٹ میں مزید کہا کہ ان جنگوں سے متاثرہ ممالک کے لاکھوں شہری اپنی زندگیوں سے ہاتھ دھو بیٹھے ہیں، ان ممالک میں کئی ایسے انسانی المیے پیدا ہوئے ہیں جو انتہائی ہولناک ہیں۔

چین کی تنظیم کا مزید کہنا تھا کہ ان غیر ملکی جنگوں سے امریکہ کی منافقت اور خود غرضی کھل کر سامنے آئی ہے، امریکہ نے اپنے مفادات کے لئے دنیا کے کئی ممالک میں انسانی المیوں اور بحرانوں کو جنم دیا اور آج انسانی حقوق کا علم بردار بن گیا ہے۔

چین کی این جی او نے اپنی رپورٹ میں کہا ہے کہ طاقت کے نشے میں امریکہ ان جنگوں کے نتائج کی بھی پرواہ نہیں کی، جس کی ایک مثال ہیروشیما ناگا ساکی کی ہے۔

واضح رہے کہ گزشتہ تین عشروں کے دوران امریکہ کے باوردی دہشت گردوں نے افغانستان، پاکستان، عراق ، شام اور یمن سمیت دنیا کے مختلف ملکوں میں لاکھوں بے گناہ انسانوں کا نہایت ڈھٹائی کے ساتھ قتل عام کیا ہے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close