امریکی ایگزیکٹو آرڈر سامراجی صہیونی گٹھ جوڑ واضح ہو گیا، قائد ملت جعفریہ
پر تشدد غیر قانونی صہیونی آبادکاروں کو عام معافی و کھلی چھوٹ جس سے کئی شہادتیں ہوئیں اور کئی زخمی ہوئے مزید اثرانداز ہوگی یہی وہ اصل سامراجی چہرہ ہے جو نام نہاد انسانی حقوق یا جمہوری روایات کے پردے میں چھپتاہے
شیعہ نیوز: قائد ملت جعفریہ پاکستان علامہ سید ساجد علی نقوی کہتے ہیں کہ ایگزیکٹو آرڈر کے ذریعے پر تشدد غیر قانونی قابض صہیونی آبادکاروں کو عام معافی کے اعلان سے سامراجی صہیونی گٹھ جوڑ اور انکا اصل چہرہ مزید عیاں ہو گیا۔،
غزہ جنگ بندی دراصل عوام کے صبر و استقلال اورمزاحمت سے مجبور ہوکر کی گئی، سامرا جی صہیونی ظلم و جبر سے کبھی باز نہیں آسکتے، قدس کی آزادی کی پرامن جدوجہد جاری رہے گی، امسال پہلے سے بھی بھرپور انداز میں عالمی یوم القدس بھرپور انداز میں منایا جائیگا۔
ان خیالات کا اظہار قائد ملت جعفریہ پاکستان علامہ سید ساجد علی نقوی نے ایگزیکٹو آرڈرکے ذریعے پُر تشدد غیر قانونی صہیونی آبادکاروں کو عام معافی کے اعلان پر تبصر ہ کرتے ہوئے کیا۔
یہ بھی پڑھیں: پاراچنار کے حق میں دھرنا دینے پر علامہ سید علی رضوی سمیت کئی علماء کیخلاف کراچی میں مقدمہ درج
قائد ملت جعفریہ پاکستان علامہ سید ساجدعلی نقوی نے کہاکہ ایگزیکٹو آرڈر سے جہاں ماحولیاتی آلودگی کے خاتمے کے حوالے بین الاقوامی کاوشوں پر سنگین اثرات مرتب ہونگے وہیں اس سامراجی ذہنیت کے مزید کئی مضر اثرات دنیا پر مرتب ہونگے البتہ براہ راست مظلوم عوا م پر ُپر تشدد غیر قانونی صہیونی آبادکاروں کو عام معافی و کھلی چھوٹ جس سے کئی شہادتیں ہوئیں اور کئی زخمی ہوئے مزید اثرانداز ہوگی یہی وہ اصل سامراجی چہرہ ہے جو نام نہاد انسانی حقوق یا جمہوری روایات کے پردے میں چھپتاہے ۔انہوں نے مزید کہاکہ غزہ جنگ بندی بھی مزاحمت کی استقامت، عوام کے صبر و استقلال، بہادری و جوانمردی کے سبب مجبوراً صہیونیوں سامراجیوں کو کرنا پڑی وہ ظلم و جبر سے کبھی باز آئے نہ آئیں گے ۔
انہوں نے متوجہ کرتے ہوئے کہاکہ ہر سال کی طرح امسال بھی عالمی یوم القدس بھرپور انداز میں منایا جائیگا البتہ یہ سال قدس کی آزادی ، شہدا ئے قدس کو خراج عقیدت پیش کرتے ہوئے بھرپور انداز میں شہر شہر، قریہ قریہ، گائوں گائوں منایا جائیگا۔
