فلسطین حامی 80 طلباء کو امریکی پولیس نے گرفتار کرلیا
شیعہ نیوز: ریاست کیلی فورنیا کے سانتا کروز یونیورسٹی کے نائب سربراہ اسکاٹ ہرنانڈیز جیسن نے ایک باضابطہ بیان جاری کرکے اعلان کیا ہے کہ پولیس افسروں نے فلسطین کی حمایت میں دھرنا دینے والے طلباء کو گرفتار کرلیا ہے۔
اے بی سی نیوز کے مطابق، جمعے کے روز پولیس کے متعدد مراکز سے بھیجے گئے مسلح افسروں نے دھرنا دینے والے فلسطین حامی طلباء کے خیموں پر دھاوا بول دیا اور 80 کو گرفتار کرلیا۔
یہ بھی پڑھیں : معروف اہل سنت محب اہل بیتؑ اسکالر مفتی فضل ہمدرد پر تکفیری ناصبی دہشت گردوں کاقاتلانہ حملہ
اس بیان مین درج ہے کہ پولیس افسروں نے ان تمام رکاوٹوں کو بھی توڑ دیا جو طلباء نے اپنی حفاظت کے لئے کھڑی کر رکھی تھیں۔
رپورٹ کے مطابق، فلسطین حامی طلباء کو کئی ہفتوں سے دھرنا ختم کرنے کی دھمکیاں مل رہی تھیں۔
چشم دید گواہوں کے مطابق، زیادہ تر طلباء یا تو گرفتار کیے جا چکے ہیں یا پھر انہیں دھرنا ختم کرنے پر مجبور کر دیا گیا ہے۔
فلسطین حامی طلباء صیہونیوں سے وابستہ مراکز اور کمپنیوں سے تعلقات منقطع کرنے کا مطالبہ کر رہے ہیں تاہم صیہونیوں کے اثر و رسوخ کے نتیجے میں انہیں آئرن فسٹ کا سامنا کرنا پڑا ہے۔
