امریکی صدر ٹرمپ کے سر کی قیمت 30 لاکھ ڈالر مقرر
شیعہ نیوز (پاکستانی شیعہ خبر رساں ادارہ) ایرانی رکن پارلیمنٹ احمد حمزہ نے امریکی صدر ٹرمپ کہ سر کی قیمت 30 لاکھ ڈالر مقرر کردی۔
خبر رساں ایجنسی اِسنا کے مطابق ایران کے ایک قانون ساز احمد حمزہ کا کہنا ہے کہ جو کوئی بھی امریکی صدر ڈونلڈ ٹرمپ کو قتل کرے گا اسے 30 لاکھ ڈالر کی رقم انعام کے طور پر دی جائے گی۔
اس پیشکش کی اصل وجہ دراصل جنرل قاسم سلیمانی کے قتل کا بدلہ لینا ہے۔
یہ پیشکش ایرانی رکن پارلیمنٹ احمد حمزہ نے کرمان کے لوگوں کی جانب کی ہے جو کہ جنرل سلیمانی کا آبائی علاقہ ہے۔ کرمان میں ہی جنرل سلیمانی کی آخری رسومات ادا کی گئیں اور یہی اُن کی آخری آرام گاہ بھی ہے۔
جنرل سلیمانی کو امریکہ نے 3 جنوری کو بغداد ائیرپورٹ کے قریب ڈرون حملے میں قتل کیا تھا جس کی وجہ سے ایران کے لوگوں میں امریکہ کے خلاف کافی غم و غصہ موجود ہے کیونکہ جنرل سلیمانی ایران میں کافی مقبول تھے۔
اس کے بعد ایران نے نہ صرف امریکہ سے بدلہ لینے کا اعلان کیا بلکہ عراق میں موجود امریکہ کے دو فوجی اڈوں پر میزائل حملہ بھی کیا۔
