اسرائیل پر یمن کا ایک اور میزائل حملہ، وسطی علاقوں میں خطرے کے سائرن

شیعہ نیوز: یمن کی جانب سے میزائل حملے کے نتیجے اسرائیل کے وسطی علاقوں میں خطرے کے سائرن بجائے گئے۔

رپورٹ کے مطابق یمن سے ایک بار پھر اسرائیل کی جانب میزائل داغا گیا، جس کے بعد اسرائیل کے مرکزی علاقوں اور مغربی کنارے کی متعدد بستیوں میں خطرے کے سائرن بجائے گئے۔

عرب ذرائع ابلاغ نے کہا ہے کہ اسرائیلی فوج نے یمن سے ایک میزائل فائر ہونے کی تصدیق کی ہے۔

یہ بھی پڑھیں : ایران اور پاکستان باہمی تعاون سے اسلامی دنیا پر مثبت اثر ڈال سکتے ہیں,آیت اللہ العظمی خامنہ ای

اسرائیلی فوج نے اعلان کیا کہ اس کے فضائی دفاعی نظام میزائل کو روکنے کی کوشش کر رہے ہیں۔

یمنی میزائل حملوں کی وجہ سے اسرائیل کا بیرونی دنیا سے فضائی رابطہ شدید متاثر ہوا ہے۔ متعدد بین الاقوامی فضائی کمپنیوں نے تل ابیب کے لئے پروازوں کی معطلی میں توسیع کا اعلان کیا ہے۔