حزب اللہ کے اعلی کمانڈر کی شہادت پر انصاراللہ کا اظہار تعزیت

شیعہ نیوز: انصاراللہ کے سیاسی دفتر سے جاری ایک پیغام میں وسام طویل کی شہادت پر لبنانی مقاومتی تنظیم کو تعزیت پیش کی گئی ہے۔

المسیرہ نے کہا ہے کہ صہیونی حکومت کے حملے کے نتیجے میں حزب اللہ کے اعلی کمانڈر وسام طویل کی شہادت کے بعد یمنی تنظیم انصاراللہ نے حزب اللہ کے سربراہ سید حسن نصراللہ کو تعزیتی پیغام بھیجا ہے۔

یہ بھی پڑھیں : مسلم اقوام کی نظریں تہران سربراہی اجلاس پر لگی ہوئی ہیں، قرشی نیاس

پیغام میں کہا گیا ہے کہ وسام طویل مقاومت کے نہایت بہادر اور اہم کمانڈر تھے جنہوں نے اللہ کی راہ میں صہیونی حکومت کے ساتھ مقابلہ کرتے ہوئے اپنی جان قربان کردی۔

انصاراللہ نے صہیونی حکومت کے حملے کو بزدلانہ قرار دیتے ہوئے کہا ہے کہ غزہ میں زمینی جنگ میں ناکامی کے بعد صہیونی حکومت ایسی بزدلانہ کاروائیوں پر مجبور ہوگئی ہے۔