اربعین ویزہ پالیسی، ایم ڈبلیوایم رہنما اسدنقوی کاعراقی سفیر کو خط
شیعہ نیوز (پاکستانی شیعہ خبر رساں ادارہ) مجلس وحدت مسلمین پاکستان کے مرکزی پولیٹیکل سیکریٹری اور فوکل پرسن برائے مذہبی ہم آہنگی حکومت پنجاب سید اسدعباس نقوی نے عراقی سفیر کے نام مراسلہ جاری کردیاہے، جس میں انہوں نے پاکستان میں تعینات عراقی سفیر سے یہ گزارش کی ہے کہ وہ حکومت عراق کو یہ گزارش کریں کہ وہ اربعین حسینی پر زائرین امام حسین علیہ السلام کے لئے ویزہ پالیسی میں نرمی لائے۔
یہ خبر بھی پڑھیں عراق ، اربعین حسینی کے قریب سعودی اسرائیلی ایماء پر فسادات
انہوں نے مزید کہاکہ جس طرح سے گزشتہ سالوں میں پاکستانی زائرین کے لئے ویزہ پالیسی جاری کی جاتی تھی اسی طرح سے امسال بھی یہی طریقہ کار اپنایا جائے۔
یہ خبر بھی پڑھیں عراقی وزارت داخلہ کی ہٹ دھرمی، ہزاروں زائرین مولا حسینؑ پریشان
ابھی جو نئی ویزا پالیسی آئی ہے، اس کے نتیجے میں ہزاروں زائرین زیارت امام حسین ؑ سے محروم رہیں گے،جہاں پر بہت بڑا مالی نقصان اپنی جگہ پر ہے،لیکن لوگوں کے مذہبی و عقیدتی جذبات مجروح ہونگے،لھذا سفیر محترم سے گذارش ہے کہ وہ اپنی حکومت سے درخواست کرکے ان مسائل کے حل میں اپنا کردار ادا کریں۔
