علامہ شبیر حسن میثمی کی ہزارہ گوٹھ کراچی آمد، طلباء کیلئے ہاسٹل کا افتتاح اور خطاب
علامہ شبیر حسن میثمی کی ہزارہ گوٹھ کراچی آمد، طلباء کیلئے ہاسٹل کا افتتاح اور خطاب
شیعہ نیوز:شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی کی ہزارہ گوٹھ کراچی آمد، طلباء کیلئے ہاسٹل کا افتتاح کیا۔ انہوں نے طلباء کی جانب سے منعقدہ جشن میلاد الصادقین علیہم السلام سے خطاب کرتے ہوئے کہا کہ طلباء ملک و ملت کا ایک چمکتا ہوا ستارہ ہوتے ہیں، اس وقت اور ان حالات میں طلباء کی ذمہ داری بڑھ گئی ہے۔ موجودہ تعلیمی نظام بھی آپ کے سامنے ہے، مگر تعلیم کے ساتھ اچھا کردار، اچھی سوچ و فکر اور امام جعفر صادق علیہ السلام کے بتائے گئے اصولوں پر عمل کرنا بھی بہت ضروری اور اہمیت کا حامل ہے، جس کے بغیر کوئی کام مکمل نہیں۔
اس وجہ سے اپنی زندگی کے اصولوں میں سیرت امام جعفر صادق علیہ السلام کے تمام پہلوؤں کو مدنظر رکھتے ہوئے آگے بڑھیں۔ اللہ تعالٰی نے توفیق دی کہ ہم نے قائد ملت جعفریہ پاکستان آیت اللہ سید ساجد علی نقوی کی طرف سے اس ہاسٹل کے کام میں مختصر حصہ ڈالا اور آگے بھی اگر اللہ سُبْحانَہُ تَعالیٰ ہمیں توفیق دیگا تو ملت کے طلباء کی خدمت جاری و ساری رکھیں گے، اب آپ کی ذمہ داری ہے کہ قوم و ملت کی ترقی و خوشحالی کیلئے بھتر سے بھتر تعلیمی میدان میں نمایاں کامیابیاں حاصل کریں۔
