آرمی چیف جنرل عاصم منیر کی جانب سے گولڈ میڈلسٹ ارشد ندیم کے اعزاز میں شاندار تقریب

شیعہ نیوز : پاک فوج کے شعبہ تعلقات عامہ کے مطابق آرمی چیف کی جانب سے ارشد ندیم کے اعزاز میں تقریب منعقد کی گئی۔ آئی ایس پی آر کے مطابق جی ایچ کیو میں منعقدہ تقریب میں 1984ء کی ہاکی ٹیم کے کھلاڑی بھی شریک ہوئے، تقریب میں قومی کرکٹ ٹیم، سٹریٹ فٹبال ٹیم کے کھلاڑیوں نے بھی شرکت کی۔ پاک فوج کے شعبہ تعلقات عامہ کے مطابق تقریب میں آرمی پولو ٹیم، نابینا افراد کی کرکٹ ٹیم، وومن گول بال ٹیم کی کھلاڑیوں نے بھی شرکت کی۔

آرمی چیف جنرل سید عاصم منیر نے گولڈ میڈل جیتنے پر ارشد ندیم کو خراج تحسین پیش کیا، آرمی چیف نے انفرادی مقابلہ اور اولمپک ریکارڈ بنانے پر بھی ارشد ندیم کی تعریف کی۔ آئی ایس پی آر کے مطابق آرمی چیف نے ارشد ندیم کے عزم، لگن اور بہترین نتائج کے حصول کی کوششوں کو سراہا، آرمی چیف نے ارشد ندیم کی شروع سے عظیم کامیابی تک کوششوں کو بھی سراہا۔ آرمی چیف جنرل سید عاصم منیر نے کہا کہ ایسی منزل صرف سخت محنت اور عزم سے ہی حاصل ہوسکتی ہے، ارشد ندیم اپنی کامیابی پر پوری قوم کیلئے باعث فخر ہے۔

یہ بھی پڑھیں: گورنر ہاؤس سندھ میں احترام انسانیت اور بین المذاہب ہم آہنگی کانفرنس، علامہ شبیر میثمی سمیت مختلف شخصیات کی شرکت

آرمی چیف نے کہا کہ نہ صرف کھلاڑیوں بلکہ نوجوانوں کے قیمتی اثاثوں کو بااختیار بنانے کیلئے تعاون جاری رکھیں گے۔ نوجوان اور کھلاڑیوں کی ملک کو خوشجال بنانے کیلئے کوششوں میں تعاون رکھا جائے۔ ملک کی خوشحالی کیلئے نوجوانوں کی شمولیت انتہائی اہمیت رکھتی ہے۔ آئی ایس پی آر کے مطابق ارشد ندیم نے آرمی چیف کا شکریہ ادا کیا، انہوں نے کہا کہ پاکستانی نوجوانوں میں آگے بڑھنے کی بہت صلاحیت موجود ہے، چیلنجز پر محنت اور مثبت سوچ پر قابو پاکر ہی کامیابی حاصل کی جاسکتی ہے۔