جب تک غزہ میں قتل عام جاری ہے دشمن فوجیوں کی لاشیں بھی اٹھتی رہیں گی، ابو عبیدہ

شیعہ نیوز: اسلامی تحریک مزاحمت ’حماس‘ کے عسکری ونگ القسام بریگیڈز کے ترجمان ابو عبیدہ نے کہا ہے کہ قابض اسرائیل کے فوجیوں کی جنازے اور لاشیں مستقل واقعہ بن جائیں گی جب تک یہ ظالم ریاست ہمارے مظلوم فلسطینی عوام پر اپنی جنگ اور درندگی جاری رکھے گی۔

ابو عبیدہ نے ٹیلیگرام پر جاری بیان میں کہا کہ ہمارے مجاہدین بہادری اور حوصلے کی بے مثال مثالیں پیش کر رہے ہیں۔ ان کے مطابق حالیہ حملے جو دشمن فوجیوں کے خلاف لگائے گئے، تاریخ کے زندہ اور روشن لمحات ہیں جو ثابت کرتے ہیں کہ ہمارے مجاہدین جدید دور کے سب سے زیادہ دلیر اور فداکار مجاہدین ہیں۔

یہ بھی پڑھیں : غزہ کی پٹی اور مغربی کنارے میں صیہونی جارحیت، 44 فلسطینی شہید

القسام کے ترجمان نے واضح کیا کہ قابض حکومت اپنی عوام کو دھوکہ دے رہی ہے اور حقیقت کو نظر انداز کر رہی ہے کہ وہ اپنے فوجیوں کو سیاسی مقاصد کے لیے غزہ کے خون کے دلدل میں دھکیل رہی ہے۔

یہ بیان ابو عبیدہ نے اس وقت دیا ہے جب القسام بریگیڈز نے حال ہی میں قابض فوجیوں کے خلاف کئی مؤثر اور ہدف بنائے گئے کیمیکے انجام دیے ہیں، جن میں سب سے حالیہ واقعہ خان یونس شہر میں پیش آیا، جہاں ایک افسر اور چھ قابض فوجی ہلاک اور کئی زخمی ہوئے۔

مزاحمتی جماعتیں خاص طور پر القسام بریگیڈز قابض فوج کی غزہ میں درندگی اور نسل کشی کی جنگ کے خلاف جو سات اکتوبر سنہ2023ء سے جاری ہے، بہادری سے مقابلہ کر رہی ہیں۔