سکردو،اسد عاشورا کے جلوس میں ایک لاکھ سے زائد عزادار موجود

شیعہ نیوز (پاکستانی شیعہ خبر رساں ادارہ) سکردو میں اسد عاشورا آج منایا جا رہا ہے، شہر بھر سے 30 سے زائد ماتمی جلوس برآمد ہوئے جو حسینی چوک سے ہوتے ہوئے قتل گاہ شریک پہنچے، ہزاروں عزاداروں نے قتل گاہ شریف میں جمہ کی نماز ادا کی۔

ذرائع کے مطابق اسد عاشورا کے جلوسوں میں ایک لاکھ سے زائد عزادار شریک ہیں، اسد مجالس میں پورے گلگت بلتستان اور ملک کے دیگر حصوں سے بھی ہزاروں عزادار سکردو پہنچے تھے۔ شہر بھر سے 30 کے قریب ماتمی جلوس برآمد ہوئے۔

حسینی چوک پر ہزاروں عزاداروں سے آغا علی رضوی اور شیخ نیئر عباس مصطفوی نے خطاب کیا، انہوں نے اپنے خطاب میں اتحاد امت اور ملت کی بیداری پر زور دیا۔ عاشورا کے جلوسوں کی سکیورٹی کے سخت انتظامات کیے گئے ہیں، پولیس اور جی بی سکائوٹس کے سینکڑوں اہلکار تعینات ہیں۔