بھٹ شاہ، اصغریہ اسٹوڈنٹس کے 46ویں یوم تاسیس پر پروگرام کا انعقاد
شیعہ نیوز (پاکستانی شیعہ خبر رساں ادارہ) اصغریہ اسٹوڈنٹس آرگنائزیشن پاکستان کی جانب سے تنظیم کے 46ویں یوم تاسیس کی مناسبت سے 12 جون 2022ع کو بھٹ شاہ میں یوم تاسیس اصغریہ کا پروگرام منعقد کیا گیا۔
پروگرام میں موجودہ مرکزی صدر حسن علی سجادی، تنظیم کے پہلے مرکزی صدر غلام مصطفیٰ لغاری، سابقہ مرکزی صدر و موجودہ سرپرست کائونسل کے سیکرٹری محمد عالم ساجدی اور سابقہ مرکزی صدر قمر عباس غدیری نے خطاب کیا۔
یہ خبر بھی پڑھیں اصغریہ اسٹوڈنٹس کے زیر اہتمام رانی پور سندھ میں ششماہی کنونشن کا انعقاد کیا گیا
اپنے خطاب میں مقررین کا کہنا تھا کہ اصغریہ ایک ایسا شجرہ طیبہ ہے جس نے ہزاروں جوانوں کو سیکولرزم، سوشلزم اورقوم پرستی جیسے بہت سارے باطل نظریات سے بچایا ہے اور نوجوانوں کو حقیقی دین محمدی ﷺکی طرف مائل کیا اور یہ کار انبیاء جوانوں کی جہد مسلسل کی بدولت انجام پایا ہے ۔خدا اس عظیم شجرہ طیبہ کی قدر کرنے کی ہمیں توفیق عطا فرمائے۔
مقررین نے یوم تاسیس کے موقع پر سب جوانوں ، تنظیمی کارکنان ، اور قیادت کو مبارکباد پیش کی،پروگرام میں سابقین سمیت تنظیمی کارکنان اور سینیئر تنظیمی ساتھیوں نے کثیر تعداد میں شرکت کی۔
